„მიხეილ სააკაშვილი საქართველოშია და ის მნიშვნელოვან როლს ითამაშებს ოპოზიციის გამარჯვებაში“ – ზაალ უდუმაშვილი

„მიხეილ სააკაშვილი საქართველოშია და ის მნიშვნელოვან როლს ითამაშებს ოპოზიციის გამარჯვებაში“, – ამის შესახებ „ნაციონალური მოძრაობის“ წევრმა ზაალ უდუმაშვილმა განაცხადა.

„მიხეილ სააკაშვილი საქართველოშია და ის მნიშვნელოვან როლს ითამაშებს ოპოზიციის გამარჯვებაში მთავარია, რომ ჩვენ მშვიდად, წყნარად მივიდეთ ხვალ არჩევნებზე და გამოვხატოთ ჩვენი პოზიცია. მნიშვნელოვანი პროცესების წინაშე დგას საქართველო და ჩვენ ყველამ ერთად თითოეულმა მოქალაქემ უნდა ბოლომდე მივიყვანოთ.

მე პირადად სააკაშვილის ჩამოსვლის შესახებ დილით გავიგე, როდესაც პოსტი დაიდო და ძალიან გამიხარდა იმიტომ, რომ ის უნდა იყოს საქართველოში და ძალიან აქტიურად უნდა იყოს ჩართული ქართულ პოლიტიკურ პროცესებში“, – განაცხადა ზაალ უდუმაშვილმა.

ინფორმაციისთვის, ყოფილი პრეზიდენტი მიხეილ სააკაშვილი საქართველოში დაბრუნებას 2 ოქტომბერს გეგმავდა. თუმცა ცოტა ხნის წინ სოციალურ ქსელში ვიდეომიმართვა გაავრცელა, რომელშიც აღნიშნავს, რომ ის ბათუმში იმყოფება.