მიიღო, თუ არა, მარგველაშვილმა შეთავაზება “ენმ”–ის თავმჯდომარეობაზე? – “სააკაშვილთან მქონდა კონტაქტი უკრაინაში წასვლამდე”

საქართველოს ყოფილი პრეზიდენტი გიორგი მარგველაშვილი ფორმულასთან საუბარში უარყოფს მედიაში გავრცელებულ ინფორმაციას, თითქოს ის ნაციონალური მოძრაობის თავმჯდომარე ხდება.

“აი, აბსოლუტურად 100%-ით ტყუილია. არც შემოთავაზება, არც განხილვა, არც მოთელვა, არაფერი მსგავსი არ ყოფილა. სააკაშვილთან მქონდა კონტაქტი უკრაინაში წასვლამდე, ერთად დავგეგმეთ უკრაინაში წასვლა. სავარაუდოდ, დალაგებული აქვთ ასეთი მოგონილი სკანდალები და არის მცდელობა რაღაცა ამბის გადაფარვის. აი, გუშინდელი ამბავი, სავარაუდო, განხილვა ოლიგარქებს შორის ფულის გათეთრებასთან დაკავშირებით, ეტყობა, ეს ამბავი ძალიან მძიმეა, წინააღმდეგ შემთხვევაში დღეს ამ ნიუსქარიშხალის მოწყობას მე ვერაფრით ავხსნი”