EDU.ARIS.GE-სთან განათლებისა და მეცნიერების სამინისტროში ამბობენ, რომ წიგნების დარიგებაზე სკოლებმა უნდა იზრუნონ.
„საქართველოს ყველა სკოლაში წიგნების დარიგება თითქმის დასრულებულია. დარჩენილია წიგნები, რომლებსაც გრიფი წელს მიენიჭა, მიმდინარეობს მათი დარიგება და 10 სექტემბრისთვის ესეც დასრულდება. მშობლები დაუკავშირდნენ სკოლებს და აუცილებლად ექნებათ მოქნილი მექანიზმი“.
ამასთან, N24 საჯარო სკოლის დირექტორი ამბობს, რომ სახელმძღვანელოების დარიგების პროცესს ხელს უტრანსპორტობა უშლის, ამიტომ შესაძლოა, ბავშებმა წიგნები 13 სექტემბრიდან მიიღონ.
„დარიგებას ალბათ მალე დავიწყებთ, მაგრამ ჯერ – არა. სწორედ იმიტომ, რომ ტრანსპორტი არ იქნება, სავარაუდოდ, 13-მდე არც დავარიგებთ. ჩვენი ისეთი სკოლაა, მთელი თბილისიდან დადიან ბავშვები – ავჭალიდანაც, მესამე მასივიდანაც. ადრე რომ დავიწყოთ, ახლოს ვინც არაა ვერ მოვა, მერე კლასები აირევა, ამიტომ სჯობს, ტრანსპორტის გახსნის შემდეგ“, – განაცხადა გიორგი კაკაბაძემ, რომელსაც ჩვენ ასევე ვკითხეთ, მოასწრებს თუ არა სკოლა წიგნების სრულად გაცემას ბოლო ორ დღეში.
დირექტორი არ გამორიცხავს, რომ წიგნების დარიგება 15-16 სექტემბერსაც გაგრძელდეს.
კომენტარები