ოზურგეთის მუნიციპალიტეტის სოფელ გაღმა დვაბზუში მეზობელმა მეზობელი მოკლა, შემდეგ კი სიცოცხლე თვითმკვლელობით დაასრულა.
როგორც “მთავარს” სოფელ გაღმა დვაბზუს მაცხოვრებლები უყვებიან, 40 წლის პირმა, რომელიც დედაქალაქიდან იყო ჩამოსული გურიაში, მეზობელი, ასევე მამაკაცი ცეცხლსასროლი იარაღით მოკლა, შემდეგ სასაფლაოზე, მამის საფლავზე თავი მოიკლა.
ამ წუთებში სასაფლაოზე პოლიცია იმყოფება და ჟურნალისტებს ადგილზე არ უშვებენ. მოკლული კი ექსპერტიზის ბიუროშია გადაყვანილი.
შსს-ს ინფორმაციით, მომხდარზე გამოძიება სსკ-ის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონო შეძენა,შენახვა, ტარებას გულისხმობს.
კომენტარები