მამა ანდრია სარია საპატრიარქოს წინააღმდეგ მტკიცებულებების წარდგენას სინოდის სხდომაზე აპირებს. მეტიც, იგი “2020NEWS“-თან საუბრისას ბოდბელი მიტროპოლიტს, მეუფე იაკობს სახელმწიფო უსაფრთხოების სამსახურთან შესაძლო თანამშრომლობაში ადანაშაულებს და მისი ეკლესიიდან განკვეთის საკითხს აყენებს.
“მეუფე იაკობი ცოცხალია და ის ასპარეზზე გამოვიდა იმ მდგომარეობიდან, რაშიც ზოგადად, იმყოფებოდა?! გვახსოვს მეუფე იაკობის განცხადებები, როცა ამბობდა, მთავარი პროკურორი შოთაძე ფულს მძალავდაო. ეს საკითხი ვინმემ გამოიძია?!- არავინ. ის მღვდელმთავრებს დედას აგინებდა – ამის გამო უნდა განიკვეთოს.
მრავალი ფაქტი არსებობს, რის გამოც მოვითხოვ, რომ მეუფე იაკობი მღვდელმთავარი არ უნდა იყოს და უნდა განიკვეთოს. გელა ლანჩავას ბანდის ყოფილი წარმომადგენელი, ახლანდელი მიტროპოლიტი მეუფე იაკობი მე არ უნდა შევაფასო.
თავად ამბობს, გარკვეული ადამიანების წინააღმდეგ ძალიან ბევრი კომპრომატი მაქვსო. რა კომპრომატები აქვს?! – როგორც ჩანს, ის, სავარაუდოდ, სახელმწიფო უსაფრთხოების სამსახურთან თანამშრომლობს. თავის დროზე სოსო გოგაშვილთან თუ ჰქოდა ალიანსი, თქვას. მას მორალური უფლება არ აქვს, რომ ვინმეზე ილაპარაკოს.
მასზე დაისმება სინოდში საკითხი, რომ არ უნდა იყოს მღვდელმთავარი. სინოდს მე წერილი მივწერე, რომ ასეთი ადამიანებისგან ეკლესია უნდა დავიცვათ. ამ წერილს მეუფე იაკობი ვერ ინელებს.
კითხვაზე, აქვს თუ არა მოლოდინი, რომ საპატრიაქოს მეუფე იაკობის ნაცვლად, ეკლესიიდან მას განკვეთს, მამა ანდრია გვპასუხობს, რომ მთვარია, ქრისტიანობის სტატუსს ვერავინ წაართმევს.
“იაკობი განკვეთეს დედის გინების გამო?! მეუფე გრიგოლ კაციამ გადაცემაში თქვა, მრუშობის, ქუროდბის, ჩხუბის ფაქტები იყო ეკლესიაშიო. მე სხვას ვამბობ რამეს? მე მოლოდინი ყველაფერის მაქვს. მთავარი – ქრისტიანობის სტატუსს ვერავინ წამართმევს.
კომენტარები