ნაციონალური მოძრაობის თავმჯდომარე, ნიკა მელია, “ტვ პირველთან”, ჟურნალისტ ინგა გრიგოლიას კითხვებს პასუხობს და ამბობს, რომ დავით კეზერაშვილმა მას ნაციონალური მოძრაობის ერთი წევრის პროცესებიდან ჩამოშორება მოსთხოვა. ნიკა მელიამ ეს პირი არ დაასახელა, თუმცა, ეს პირი დაასახელა ინგა გრიგოლიამ და თქვა, რომ მისი ინფორმაციით, ეს არის კობა ნაყოფია.
ინგა გრიგოლია:
–ეს ხომ იცოდი, კეზერაშვილს რომ ხელი ჩამოართვი? დაფინანსებაზე რომ მიდგებოდა საქმე, ჩარევა რომ გარდაუვალი იქნებოდა?
ნიკა მელია:
–რას ლაპარაკობთ, ასე გესმით?
ინგა გრიგოლია:
–ვინც იხდის, ის უკრავსო…
ნიკა მელია:
–არა, არა, ჩემო კარგო, თუ მას სადმე ასეთი ამბიციების განხორციელების საშუალება მიეცემა, სხვაგან გააკეთოს.
ინგა გრიგოლია:
დავუშვათ, ახლა მე ვარ კეზერაშვილი და შენ მეუბნები, ფული მომეცი, ოღონდ არ გაბედო იქ ჩარევა?
ნიკა მელია:
–თუ ეწინააღმდეგები ოლიგარქიულ რეჟიმს, თავშივე ეწინააღმდეგები ასეთ დროს საკუთარ თავს, როცა გინდა არაფორმალური მმართველობა დანერგო პარტიაში. რაწამსაც დავრწმუნდი, გავაკეთე საჯარო განცხადება. მანამდე კი, მას პირადად ვუთხარი, საზოგადოებამ უნდა გაიგოს რომ მე და შენ არაფერი საერთო მომავალში არ გვექნება.
ვისი ჩამოშორება მოსთხოვა კეზერაშვილმა მელიას? – “ამის შემდეგ გაიყო ჩემი და დათოს გზები” – მელია
კომენტარები