„ფეისბუქისა“ და „ინსტაგრამის“ მფლობელი კომპანია Meta ფაქტების გადამოწმების ამჟამინდელ პროგრამას წყვეტს და X-ის მსგავსად „საზოგადოების შენიშვნების“ პროგრამაზე გადადის. ამის შესახებ ინფორმაციას CNN ავრცელებს.
მისი თქმით, ფაქტის გადამმოწმებლები პოლიტიკურად მიკერძოებული იყვნენ და ნდობა უფრო მეტად გაანადგურეს, ვიდრე შექმნეს.
“ვცვლით ფაქტების შემმოწმებლებს Community Notes-ით, ვამარტივებთ ჩვენს პოლიტიკას და ყურადღებას გავამახვილებთ შეცდომების შემცირებაზე”, – განაცხადა „ფეისბუქის“ დამფუძნებელმა მარკ ცუკერბერგმა.
მისივე თქმით, დონალდ ტრამპის პირველად არჩევის შემდეგ ტრადიციული მედია დეზინფორმაციის საფრთხეებზე საუბრობდა, რამაც კომპანიას ბიძგი მისცა ამ შეშფოთებებისთვის კომპლექსური მიდგომით ეპასუხა, თუმცა რაც მეტი ინკლუზიურობისთვის შეიქმნა, გამოიყენებოდა მოსაზრებებისა და განსხვავებული იდეების ადამიანების ჩასახშობად. ცუკერბერგი აცხადებს, რომ ეს პროცესი ძალიან შორს წავიდა“ და ცენზურის სახე მიიღო.
აღნიშნული ცვლილებები თავდაპირველად, მხოლოდ ამერიკის ტერიტორიაზე იქნება ხელმისაწვდომი.
მან ვიდეომიმართვაში 2024 წლის ამერიკის საპრეზიდენტო არჩევნებზეც ისაუბრა და თქვა, რომ “უკანასკნელი არჩევნები კულტურული შემოტრიალების მომენტს ჰგავს კიდევ ერთხელ, გამოხატვისთვის პრიორიტეტის მინიჭებისკენ”. ზაკერბერგი ამბობს, რომ META “ფესვებს დაუბრუნდება”, რაც გულისხმობს შეცდომების შემცირებას, პლატფორმებზე დაწესებული წესების გამარტივებასა და თავისუფალი გამოხატვის აღდგენას.
“მას შემდეგ, რაც ტრამპი პირველად აირჩიეს 2016 წელს, ტრადიციული მედია გაუჩერებლად წერდა, როგორი საფრთხე იყო მცდარი ინფორმაციის გავრცელება დემოკრატიისთვის. ჩვენ ვეცადეთ გვეპასუხა ამ წუხილებისთვის ისე, რომ სიმართლის მსაჯულები არ გავმხდარიყავით. თუმცა, ფაქტჩეკერები პოლიტიკურად მიკერძოებულები გახდნენ და ნდობა უფრო მეტად გაანადგურეს, ვიდრე შექმნეს, განსაკუთრებით კი აშშ-ში.” – განაცხადა ცუკერბერგმა.
META-ს დამფუძნებელმა ასევე განაცხადა, რომ პლატფორმებზე – Facebook-ზე, Instagram-სა და Threads-ზე სამოქალაქო და პოლიტიკური ხასიათის პოსტებს კვლავ წინ წამოწევენ.
კომენტარები