“მერიის თანამშრომელმა, დაარიგა: ნანუკას დაუკავშირდი, ის არ გეტყვის უარს დახმარებაზეო…” – რუსკა ბუზიაშვილი

სამოქალაქო აქტივისტი, რუსკა ბუზიაშვილი:

ერთი ამბავი უნდა მოგიყვეთ…
ბევრი წლის წინ, ერთ ადამიანს ძალიან მძიმე დიაგნიზი დაუსვეს, დაფინანსება აგვიანებდა, უარი-უარზე მოდიოდა, შემდეგ დაფინანსდა მაგრამ იმდენად მცირე თანხით რომ მხოლოდ წამლებსაც კი არ ეყოფოდა, არათუ მკურნალობასა და ოპერაციებს.
ბოლოს, მერიის თანამშრომელმა, დაარიგა: ნანუკას დაუკავშირდი, აუხსენი სიტუაცია, ის არ გეტყვის უარს დახმარებაზეო…
ასეა ეს, მერიების თანამშრომლების იმედიც ნანუკაა, პოლიციელებისაც, ჯარისკაცებისაც, აქტივისტებისაც, შუაშისტებისაც და ქოცებისაც. ყველას იმედია, ვისაც სახლში ოქროს ზოდები არ აქვს. ქოცებმაც ძალიან კარგად იციან რამხელა ძალა აქვს ნანუკას, ძალიან კარგად იციან რომ, როდესაც საქმე ადამიანის ჯანმრთელობას ეხება, ნანუკა არ კითხულობს ეს ადამიანი ქოცია, ნაცი, ლელოელი თუ ნათელაშვილის ამომრჩეველი.
ხვალ ნანუკას გადაცემაა, გადაცემის მთავარი თემა ბავშვებია, გაჭირვებული ოჯახი რომელიც ოცნებობს რომ სახლი ჰქონდეთ და ბავშვებს ქვაზე არ ეძინოთ, ხვალ ნანუკა უნდა გავაბედნიეროთ და იზოლატორიდან გამოსულს, ეს მისია შესრულებული დავახვედროთ…
დღეს რომ ,,ნანუკას ფონდი” არსებობდეს, აღარ მოგვიწევდა ნერვიულობა იმაზე რომ ბავშვებს ეტლი, სპეც საწოლი, გენერატორი… არ აქვთ.
დღეს რომ ,,ნანუკას ფონდი” არსებობდეს, ასობით ბავშვს ცხოვრება მეტად ბედნიერი ექნებოდა.
ასეა ეს, კარგი ადამიანია ნანუკა, რომელიც ეხმარება ყველას: ქოცს, ნაცს, გახარიელს, ლელოელს, იმიტომ რომ მან ყველაზე კარგად იცის- ჯერ საქართველოა, ჯერ ჩვენი მოქალაქეები არიან და მერე ყველაფერი სხვა.
მიყვარხარ ჩემო ნანუ, სულ მეიმედები და ზუსტად ვიცი, მანდედან რომ გამოხვალ, ბევრად მოტივირებული იქნები.