მოსამართლე მეია მელქაძემ ტერორისტული აქტის ეპიზოდზე ბრალდებული, „ძლიერი საქართველო – ლელოს“ ერთ-ერთი ლიდერი, ალეკო ელისაშვილი სხდომათა დარბაზიდან გააძევა და განაცხადა, რომ მან “აშკარა უპატივცემულობა” გამოიჩინა.
„მაცადეთ ლაპარაკი, ბოლშევიკებიც კი დახვრეტას რომ უსჯიდნენ, ალაპარაკებდნენ ადამიანს. მერამდენე სხდომაა და მერამდენე მოსამართლე ხართ, სიტყვის უფლებას რომ არ მაძლევთ. ორი 15- წლიანი ბრალდება მაქვს წარდგენილი. წყეული ბოლშევიკები აძლევდნენ ლაპარაკის საშუალებას, სიტყვა ამოღებული არ მაქვს და ყელში მეცით!
ეს სასამართლო არაა, ეს ბოლშევიკური ტრიბუნაა.. ეს გოგო [პროკურორი] აქ რომ ზის, არ ეზარება 2 თვეში ერთხელ აკრძალვა აკრძალვაზე რომ არ დამიწესოს, შვილები რომ სასამართლოს გარდა ვერ ვნახო… 49 წელია არავისთვის შემითანხმებია, რას ვისაუბრებ და არც ახლა ვიკითხავ! რა საქმეზე ვისაუბრებ, ჩემი საქმეა. მაცალეთ ლაპარაკი, ეგ გასწავლეს? რაზეც მიმაჩნია საჭიროდ, იმაზე ვისაუბრებ!
რამ შეგაშინათ ასე, რომ ერთი პატიმარი კაცის გეშინიათ? საბავშვო ბაღის გამგე ხართ თუ მოსამართლე?
ეს [ახალი ბრალი] რომ გამეკეთებინა, არანაირი პრობლემა არ მაქვს. ვიტყოდი, რომ მე გავაკეთ. მაბრალებენ და რატომ დავიბრალო ასეთი შეთითხნილი ბრალი? ამაზრზენი ბრალდებაა. კადრში ჩანს, რომ ვიღაც ცეცხლს აჩენს და რატომ ვარ მე და მაგალითად თენგიზ შარმანაშვილი არა?… ვინ არის ეს ქალი [მოსამართლე], მართლა ეს ნაჭერი რომ ჩაიცვით, მოსამართლე გგონიათ თავი? მაცადეთ საუბარი! იმაზე თავშეკავებულად ვსაუბრობ, ვიდრე ეს ბოლშევიკური ტრიბუნალი იმსახურებს. აბსურდია რა საქმესაც მედავებიან!
ძუნკალი ძაღლი იპოვეთ ქუჩაში და ერთი წლის შემდეგ მიჭერთ. მოწმეებზე ზემოქმედებას მოახდენო, ჯოხით უნდა გავეკიდო იმ ძაღლს? არ ვიცი ის ძაღლი სადაა და როგორ უნდა მოვახდინო ზეწოლა?“ – თქვა ელისაშვილმა.
დარბაზიდან გასვლისას ელისაშვილმა დაიძახა: „გამხმარი ტალახივით უნდა დაფშვნა ესენი“.
ცნობისთვის, კიდევ ერთ ეპიზოდზე ალეკო ელისაშვილს ბრალდება სისხლის სამართლის კოდექსის 19-323-ე მუხლის პირველი ნაწილით წარედგინა.
კომენტარები