“მერაბ დვალიშვილი მაინც ფარული ქოცი მგონია, მაგრამ ეს არაა ახლა მთავარი” – ნათელაშვილი

ლეიბორისტული პარტიის ლიდერი, შალვა ნათელაშვილი:

რაც არაბთა გაერთიანებულ საამიროებში მოხდა მართლაც არაკავკასიური, სამარცხვინო ქცევა იყო ჩვენი ზოგიერთი მეზობლისაგან. სამაგიეროდ ერთი ახალგაზრდა გმირიც შევიძინეთ საბა ლაზიშვილის სახით. არ დაგიმალავთ, რომ მერაბ დვალიშვილი მაინც ფარული ქოცი მგონია, თუ გახსოვთ დიდი მცდელობის მიუხედავად მან არაფრით არ გამოუცხადა სოლიდარობა ხარებას მიერ ნაცემ თანატოლებს.მაგრამ ეს არაა ახლა მთავარი. ჩვენ გვახასიათებს ტრადიციული მაქსიმალიზმი და დღევანდელ გამოხმაურებებში შეიმჩნეოდა ამ ინციდენტის გადაბრალების ტენდენციები მთლიანად ლეკებსა თუ სხვა კავკასიელ ხალხებზე. არ უნდა დაგვავიწყდეს რომ არ არსებობენ ცუდი ერები, არსებობენ ცუდი ადამიანები ყველა ხალხში. რაც შეეხება ლეკებს ყოველთვის უნდა გვახსოვდეს, რომ აფხაზეთში ჩვენს წინააღმდეგ მოსკოვის მიერ გაჩაღებულ ომში მონაწილეობაზე უარი თქვეს დაღესტნელმა ხალხებმა ლეკებმა , ლაკებმა, ავარიელებმა, ხუნძებმა და ყველამ ინგუშების კვალობაზე. იქ მონაწილეობდა ჩეჩნეთიდან ბასაევის დაჯგუფება რომელიც მაშინ წარმოადგენდა კრემლის სპეცრაზმს. ჩეჩენი ხალხიც აქ არაფერ შუაშია. თავად ჩეჩნები, ინგუშები, ლეკები, ლაკები, ავარები, ხუნძები გენეტიკურ, კულტუროლოგიურ და ბევრ ასპექტში ჩვენთან ძალიან ახლოს მყოფი ხალხებია და ვალდებული ვართ მათზე ვიზრუნოთ რაც შეგვეძლება. გავითვალისწინოთ, რომ აღმაშენებლის ქართულ- კავკასიური იმპერიის დაშლის შემდეგ ისინი უპატრონოდ დარჩნენ სხვადასხვა იმპერიების საექსპერიმენტო სივრცეებად. აი რაც შეეხება აფსუა —აბაზინებს —-აფსარებს ყარაჩაელებს, ბალყარელებს, ჩერქეზებს, სწორედ მათ მოგვაყენეს გამანადგურებელი დარტყმა აფხაზეთში და ეს დაიწყეს არა 90 იან წლებში არამედ მინიმუმ 15 საუკუნიდან, ამავე პერიოდში მათ ჩაუნერგეს ქართველთმოძულეობის იდეოლოგიაც. ეს ყველაფერი გადასალახია და ჩვენი გასაკეთებელია ყველა იდეოლოგიური თუ საერთაშორისო ბერკეტების გამოყენებით.