ფოტო – edition.cnn.com
მექსიკაში, ქვეყნის ჩრდილოეთ სასაზღვრო ქალაქ ტიხუანაში ჟურნალისტი ლორდეს მალდონადო ლოპეზი მოკლეს.
იგი საკუთარ მანქანაში ჩაცხრილეს. ჟურნალისტი კორუფციისა და პოლიტიკურ თემებზე მუშაობდა. ადამიანის უფლებათა ორგანიზაციის თანახმად, ის ჟურნალისტური საქმიანობის გამო, თავდასხმების ობიექტი წარსულშიც იყო.
2019 წლის მარტში ერთ-ერთ პრესკონფერენციაზე ლოპესმა ქვეყნის პრეზიდენტს დახმარება და მხარდაჭერა სთხოვა, რადგან მას ემუქრებოდნენ.
მკვლელობამდე ლოპესს სასამართლო დავა ჰქონდა მის ყოფილ უფროსთან ჯეიმი ბონილასთან, რომელიც ერთ-ერთი ადგილობრივი მედიასაშუალების მფლობელია. ლოპესი ამბობდა, რომ ის სამსახურიდან უსამართლოდ გაათავისუფლეს. ჟურნალისტმა დავა მკვლელობამდე რამდენიმე დღით ადრე მოიგო. ბონილას თქმით, არ იცოდა, რატომ სთხოვა ლოპესმა პრეზიდენტს დაცვა და თქვა, რომ “მასთან უთანხმოება არ ჰქონია”.
ბოლო ერთი კვირის განმავლობაში ეს ქვეყანაში ჟურნალისტის მკვლელობის მესამე შემთხვევაა.
კომენტარები