ჟურნალისტი, ლაშა ბერულავა:
მოკლედ, ასეთი ამბავია: ზუგდიდში ერთიანი ნაციონალური მოძრაობა დატოვეს ამასწინათ ნიკა მელიას მომხრეებმა.გავიდა ტვ-ზე ეგ ამბავი და, ვინც პარტია დატოვა და ამაზე განცხადებას აკეთებდა, ტიტრზე, მისი სახელისა და გვარის ქვეშ, აღინიშნა: “ენმ-ის ყოფილი წევრი”.
არ მოეწონათ და პრეტენზიით მიმართეს ტვ-ს, “ყოფილი” რატომ ვართო.დღეს კიდევ ერთხელ გააკეთეს განცხადება და კიდევ ერთხელ დატოვეს ენმ.ჰოდა, “ტელევიზიონშიკები” დილემის წინაშე დგანან, დაწერონ თუ არა ტიტრზე “ენმ-ის ყოფილი წევრი” და, რამეს ხომ ვერ უშველით?..
ჰო, მართლა, რომ არ დამავიწყდეს: მე ვტოვებ საქართველოს მოქალაქეთა კავშირს.მერე რა, რომ წევრი არ ვყოფილვარ არასდროს – მთავარი ისაა, რომ ვტოვებ.ბრიფინგი დღეს არ მექნება, მეოთხე დატოვებაზე გაგაგებინებთ, მანამდე არ მომიხსენიოთ, როგორც სმკ-ს ყოფილი წევრი, მეწყინება!
კომენტარები