24 წლის მეკო ჩიტიშვილმა სიმსივნე დაამარცხა. მას ძვლის სარკომის დიაგნოზი დაუსვეს და მისი მკურნალობისთვის საჭირო თანხა მეგობრებმა, საზოგადოების დახმარებით შეაგროვეს.
როგორც სპეციალურად მეკოს დასახმარებლად შექმნილ ჯგუფში წერია, სიმსივნეზე გამარჯვებული მეკო უკვე საქართველოშია.
„თქვენთვის ძალიან მაგარი ამბავი გვაქვს, 24 წლის მეკო ჩიტიშვილმა სიმსივნე დაამარცხა, დღეს სრულიად ჯანმრთელია და უკვე საქართველოში იმყოფება.
მადლობა უფალს ამ სიხარულისთვის და მადლობა მის ძალიან მაგარ მეგობრებს, თვეების განმავლობაში დღედაღამე ათენეს, მეკოს სამკურნალო თანხა რომ შეეგროვებინათ და გადაერჩინათ მეგობარი, მათ ეს შეძლეს. გილოცავთ ყველას. უამრავი კეთილი ადამიანის დახმარებით და ერთიანობით ახალგაზრდა გოგო სიკვდილს გადავარჩინეთ, აი, რა შეუძლია ერთიანობას და სიკეთეს.
ვინც ახლა გაიგო მეკოს შესახებ, გეტყვით, რომ ეს არის გოგო, რომელსაც დაუდგინდა საქართველოში სარკომა და უმძიმესი მდგომარეობის გამო გახდა საჭირო ავსტრიაში გადაყვანა, უამრავი ქიმიო თერაპიის და ოპერაციის შემდგომ, მეკომ დაამარცხა სიმსივნე და დღეს სრულიად ჯანმრთელი დაუბრუნდა ოჯახს. მეგობრებმა მის გადასარჩენად ერთობლივი ძალისხმევით შეაგროვეს 500 171 ლარი, ნახევარი მილიონი მეკოს სიცოცხლის გადასარჩენად, სიტყვები არ გვყოფნის მადლიერების გამოსახატად.
თუ ფიქრობ, რომ შენი 1 ლარით ვერაფერს შეცვლი. აი, შედეგი 500 171 ლარით ახალგაზრდა გოგო გადარჩა.
ფონდ ,,სიკეთის კვალის” სახელით ვულოცავთ მეკოს, მის ოჯახს, მეგობრებს და სრულიად საქართველოს, ვინც თუნდაც ერთი ლარით ან ერთი საქველმოქმედო ზარით გადაარჩინა ახალგაზრდა გოგო. დიდხანს სიცოცხლეს და ჯანმრთელობას ვუსურვებთ მუდამ, გახარებას და დიდ წარმატებას ცხოვრებაში, ასევე ვუსურვებთ ყველა ადამიანს ვინც ახლა გადის რთულ და მძიმე გზას მალე გამოჯამრთელდნენ და მეკოსავით გაგვახარონ ამ ვერაგი დაავადების დამარცხებით. გვიყვარხართ და გვეიმედებით, ჩვენო კეთილო ადამიანებო“.- აღნიშნულია ,,ფეისბუქის” გვერდზე გავრცელებულ ინფორმაციაში.
ასევე ჯგუფში „ანიტას ფონდი“ აქაც ულოცავენ მეკოს სიმსივნის დამარცხებას.
„გახსოვთ, ალბათ, მეკო. ანიტას 92-ე მეგობარი იყო ფონდის ოფიციალურად დაარსებამდე. მეკომ სიმსივნე დაამარცხა და “ანიტას ფონდი” და მისი მეგობრები ვულოცავთ ამ დიდ გამარჯვებას“
კომენტარები