“მეგობრებო, სირცხვილია ევროპარლამენტის გადაწყვეტილებაში გვერდს უვლიდე სააკაშვილის შესახებ ჩანაწერს” – გვარამია

“მთავარი არხის” გენერალურმა დირექტორმა, ნიკა გვარამაიმ სააპელაციო სასამართლოში სიტყვით გამოსვლის დროს საქართველოს მესამე პრეზიდენტზე, მიხეილ სააკაშვილზე საუბრისას, თქვა:

“მიშა სააკაშვილი მინდა მოვიკითხო აქედან, ვუთხრა, რომ ძალიან მიყვარს, ბევრს ვფიქრობ მასზე და ძალიან ბევრს ვნერვიულობ, მინდა გავამხნევეო, დარწმუნებული ვარ რომ ყველაფერი კარგად იქნება.

მეგობრებო, ჩვენ თუ გვინდა, რომ დავამარცხოთ სიბნელე, მაშინ ჩვენ თვითონ არ უნდა ვიყოთ შერჩევითები იმ სიკეთეებში რასაც ვიცავთ. სიკეთეების შერჩევითობა დამარცხების რეცეპტია. არ შეიძლება ევროპარლამენტის გადაწყვეტილებაში ციტირებდე მუდმივად იმას, რაც გაწყობს და გვერდს უვლიდე მიხეილ სააკაშვილის შესახებ ჩანაწერს, სირცხვილია, მაგრამ თავი დავანებოთ სირცხვილს, კომპრომისია სინდისთან და სინდისთან კომპრომისზე წასული ადამიანები ვერ იგებენ სინათლის სახელით ომებს, ვერა, წერტილი, არაფერი სხვა ამას არ სჭირდება, წერტილი”