“ლელო საქართველოსთვის” გამოდის ინიციატივით, რომ საქართველოში მედიები 3 წლით გადასახადებისგან გათავისუფლდნენ. ამ თემაზე დღეს სპეციალური ბრიფინგი პარტიის წევრმა, საბა ბუაძემ გამართა და თქვა:
“პირველ რიგში, ამის საჭიროება გამოწვეულია იმ მძიმე ეკონომიკური მდგომარეობით, რომელიც ჩვენს ქვეყანაში შეიქმნა და პანდემიით, რომელმაც სარეკლამო შემოსავლები და სარეკლამო ბაზარი მნიშვნელოვნად შეამცირა. მაგრამ, ასევე ამ ინიციატივის აუცილებლობა დღის წესრიგში გაამწვავა ირაკლი ღარიბაშვილის გუშინდელის ინიციატივამ, რომელიც გულისხმობს აზარტული თამაშების შეზღუდვას და მათ შორის აზარტული თამაშების რეკლამის აკრძალვას. სხვა მოცემულობაში ეს ინიციატივა იქნებოდა სწორი და გამართლებული და “ლელო” აზარტული თამაშების რეგულირებას ჯერ კიდევ გასულ საპარლამენტო არჩევნებამდე ითხოვდა, მაგრამ აქ ჩვენ ვხედავთ, რომ ძალიან ცხადი პოლიტიკური მიზანი აქვს ხელისუფლებას, რომ აზარტული თამაშებიდან სარეკლამო ბაზარზე შესული თანხების სახით დისკომფორტი შეუქმნას მედიას და კრიტიკული მედია ამ ფორმით შეავიწროვოს. ღარიბაშვილის ორმაგი სტანდარტი იმითაც ჩანს, რომ წინასაარჩევნოდ ის რამდენიმე ქალაქს “კაზინოს ქალაქის” შექმნას ჰპირდებოდა და რამდენიმე კაზინო გადასახადებისგანაც გაათავისუფლა”
კომენტარები