“მე ვთხოვე მაშინ ეს ირაკლი ღარიბაშვილს…” – გომელაური

შს მინისტრი ვახტანგ გომელაური სოსო გოგაშვილის ბრალდებებს პასუხობს და ამბობს:

“სოსო გოგაშვილი თვითონ, ძალიან სამწუხაროა, გული მწყდება, გავიცანი 2013 წელს, წამოვიყვანე მე, პირადად, ის იყო რიგით თანამდებობაზე, არ მახსოვს განყოფილების ან ქვეგანყოფილების უფროსის მოადგილე იყო გენინსპექციაში. მე მაშინ შს მინისტრის მოადგილე ვიყავი და ირაკლი ღარიბაშვილი იყო შს მინისტრი. ვთხოვე მას, ჩემს საკურატოროში გადმოვიყვანე, დავაწინაურე. დეტალებს აღარ მოვყვები, დიდი დრო რომ არ წავიღოთ. ბოლოს გახდა ჩემი პირველი მოადგილე. თითქმის სამი წელი იყო ჩემი მოადგილე. ის იყო ჩემი ოჯახის ახლობელიც – დავახლოვდით ოჯახებით და ახლა სამწუხაროდ, ის აცხადებს რომ თურმე 3 წელი იდგა და აგროვებდა კომპრომატებს ჩემზე, ჩვენს გუნდზე და გომელაური ციხეში უნდა იჯდეს.

2018-ში მოხდა მისი გათავისუფლება თანამდებობიდან. რატომ მოხდა ეს, თვითონ ყველაზე კარგად იცის. არაერთხელ დამიცვია მე ის გუნდისგან.”