,,დღეს მე მივმართავ ,,ოცნებას”, ხომ გამოაქვეყნეთ რაღაც ჩანაწერი საპრეზიდენტო ბიბლიოთეკაში ჩაწერილი, თითქოსდა ვიღაც პიკეტირებას აპირებდა, რომ მიშა გლდანის ციხეში არ გაეტანებინათ, რაც რეალურად მის სიკვდილს ნიშნავს”, – ეს განცხადება ტელეკომპანია ,,კავკასიის” დირექტორმა ნინო ჯანგირაშვილმა გადაცემა ,,რეაქციაში” გააკეთა.
ჯანგირაშვილის თქმით, საქართველოს ყველა მოქალაქე, რომელიც ახლა არ ცდილობს მიხეილ სააკაშვილის დახმარებას იმ მხრივ, რომ გადაყვანილი იქნეს სამოქალაქო საავადმყოფოში, ხელს აწერს სისხლის სამართლის დანაშაულში თანამონაწილეობაზე, მისივე თქმით თუ სააკაშვილი დაუყოვნებლივ არ იქნება გადაყვანილი საავადმყოფოში, ის იქნება პირველი ვინც შტურმს დააორგანიზებს.
,,სისხლის სამართლის კოდექსში არის ასეთი მუხლი, ადამიანის განსაცდელში მიტოვება, ჩვენ ახლა ყველა ამას ვაკეთებთ და ამ მუხლით ვართ დასასჯელი ყველა ვინც შტურმით არ ვიღებთ ციხეს, მე ნინო ჯანგირაშვილი გეუბნებით გადაიყვანეთ ეს კაცი საავადმყოფოში თორემ, მე ვიქნები პირველი ვინც დააორგანიზებს შტურმს, რომ ჩვენ ადამიანი არ გვყავდეს განსაცდელში მიტოვებული, წინააღმდეგ შემთხვევაში მე თავს ვგრძნობ მკვლელობის თანამონაწილედ”, – განაცხადა ჯანგირაშვილმა.
კომენტარები