“მე ტყუილს ვერ ვიტყვი – მიშა ცუდადაა” – გვარამია

მთავარი არხის დირექტორი, მიხეილ სააკაშვილის ადვოკატი ნიკა გვარამია რუთავის ციხესთან მიმდინარე აქციაზე, ამბობს:

“მიშა მოკითხვას გითვლით ყველას, მე ტყუილს ვერ ვიტყვი – მიშა ცუდად არის.

სულ ოპტიმისტურად გამოვდივარ ხოლმე, ვცდილობ, იმაზე უკეთ გამოვიყვანო მდგომარეობა, ვიდრე არის, მაგრამ დღეს, მისი ფიზიკური მდგომარეობა… მაშინ,  როცა უკვე მითხრა – გეხვეწები, საჯაროდ მადლობა უთხარი იმ გოგოსო… – ვინ გოგოს მეთქი? – აი, ძაან მაგარი გოგო როა, პარლამენტში რომ შიმშილობა დაიწყოო. – ლაკას მეთქი? – ჰო, წარმოგიდგენია, უკვე ვერ ვიხსენებ სახელებსო.

ბიძინა ივანიშვილს ვეუბნები პირადად, ჩვენ მიშას არ დავკარგავთ არც ერთ შემთხვევაში…”