აქტივისტი, ნინო ბულალაური 4 ოქტომბრის საქმეზე დაკავებულ ია დარახველიძეზე წერს:
“გუშინ დააკავეს გოგო, რომელსაც ძალიან კარგად ვიცნობ. როგორი გოგოა: 2018 წელს ერთ ძალიან კარგ კურსზე ჯგუფელები ვიყავით. იქ იმიტომ მოვხვდით, რომ საკუთარ საქმიანობაში გზის გაკვალვას ვცდილობდით. მაშინვე ვიცოდი, რომ იყო ძალიან კარგი დიზაინერი, თუმცა ამის გარდა შექმნა კრეატიული სააგენტო. მისი დიზაინებით იყო შექმნილი მაგალითად ფრანკფურტის წიგნის გამოფენაზე საქართველოს ნაწილის დიზაინები.
შრომობდა ძალიან ბევრს და ცდილობდა, როგორც ვიცი წარმატებულად, რომ საკუთარი და გუნდის საქმე გაეტანა საქართველოს საზღვრებს მიღმა.
ამის გარდა იმ წლებში ელექტრონული მუსიკის შექმნა დაიწყო და ამაშიც ძალიან კარგი იყო.
ბევრი დეტალი, რას როგორ აკეთებდა, შეიძლება ახლა ბუნდოვნად მახსოვს, თუმცა ყოველთვის სამაგალითო იყო მისი თავდადებული შრომა და პროფესიონალიზმი.იმ კურსის მერე ერთმანეთი 1-2 ჯერ ვნახეთ საერთო შეკრებებზე და ეგ იყო.
ამის შემდეგ პირველად 2022 წელს შევხვდი. მერიასთან ვიდექი საკმაოდ ცოტა ხალხში მარტო, მარიტას სიკვდილით გამწარებული.
გვერდით დავინახე სკუტერის ჩაფხუტი ეჭირა ხელში და თვითონაც მარტო იდგა.
იმ საშინელ დღეს მიყვებოდა, რომ განიხილავდა ბერლინში გადასვლას, მისი პროფესიის ადამიანებისთვის პროფესიული განვითარების, ღირსეულად ცხოვრების კარგი საშუალებაა. მისთვის ხომ ყველა კარი საერთოდ უფრო მარტივად გაიხსნებოდა.
მერე ამბობდა, ან აქ როგორ ვჩერდებიო, როცა ასე ცოტა ხალხი ვდგავართ ამ ტრაგედიის დროს ქუჩაში, ან როგორ წავიდე, როცა ასე ცოტა ვიბრძვითო. ეგ იყო.
იქიდან რომ წამოვედი, ყველა ცუდ შეგრძნებასთან ერთად ეს გოგოც დამამახსოვრდა – ადამიანი, აღჭურვილი ყველა რესურსით უკეთესი ცხოვრებისთვის და მაინც ამ ბრძოლაში მყოფი.მე მჭირდება ხოლმე იმის დანახვა, რომ ისეთ ბრძოლაში ვარ, სადაც ადამიანები საკუთარი თავის მიღმა სხვებისთვისაც ცდილობენ რაღაცას. ეს გოგო ნამდვილად ყოველთვის იყო ამის მაგალითი. იმ დღიდანაც ეს დამამახსოვრდა.
იმის მერე ბევრ აქციაზე მყავს ნანახი. ბოლოს 2 თებერვალს, მოლთან, როცა ისეთი გამწარებული იყო იმისგან როგორ გვჭყლეტდა ჯერ გდდ და მერე პატრული, როგორ არ აინტერესებდა პატრულს მისი ხელის კვრით წაქცეული და გონებადაკარგული ადამიანი, რომ ეს ძალიან გამხდარი, პატარა გოგო უყვიროდა, მიხედეთ ამ კაცს და თუ ჩემი ყვირილი არ მოგწონთ, დამაკავეთ არ მაინტერესებსო.
აი მე რო ავდგე ახლა, ბარგი შევკრა და წავედი აქედან თქო, მაქსიმუმ სადმე იტალიაში ჭურჭელი ვრეცხო.
იმას შეეძლო თავისი პროფესიით ეცხოვრა უზრუნველად ნებისმიერ ადგილზე, მაგრამ აქ დარჩა.
ესეთი გოგო დააკავეს.არ მაქვს იმედი, რომ მონა ქოცები წაიკითხავენ ამას და რამე შეიცვლება ერთ უჯრედიან ტვინებში.
არც ვინმეს ფერების, დამშვიდების და სიყვარულით ლაპარაკის ნერვები არ მაქვს. ფეხებზე მკიდია.იმათთვის ვყვები, ვისაც კარგი ადამიანების მაგალითი სჭირდებათ გასამხნევებლად.
არ დაგავიწყდეთ, არ დაგვავიწყდეს, ვის იჭერენ ეს რუსები…”
კომენტარები