სუს–ის ყოფილი მაღალჩინოსანის, სოსო გოგაშვილის ქალიშვილი, ნინი გოგაშვილი:
16 სექტემბერი – სპეცოპერაციიდან ზუსტად ორი თვის შემდეგ ისევ ვიბრძვით!
2012 წელს, როცა ის ადამიანები, ვინც დღეს ივანიშვილის მარიონეტები არიან და მაშინ ლანძღავდნენ ბიძინას, იმალებოდნენ სახლებში ან სხვა ქვეყანაში მშვიდად ცხოვრობდნენ, საერთოდ არ აინტერესებდათ საქართველოს ბედი და როცა ადამიანები ერიდებოდნენ განსხვავებული პოლიტიკური აზრის დაფიქსირებას, მე და ჩემი ოჯახის წევრები ღიად ვუჭერდით მხარს ქართულ ოცნებას და ვიბრძოდით სისტემის შესაცვლელად ოცნების ლურჯი მაისურებით, რადგან გვეგონა, რომ ოცნება იზრუნებდა ადამიანების კეთილდღეობაზე, მაგრამ თურმე რუსული გეგმა ყოფილა ამ ყველაფრის სათავე, გეგმა, რომელიც კლავს და ხელს უშლის ქვეყნის განვითარებას!2022 წელს, დღეს ჩვენი ახლობლები ვერ გვირეკავენ, ვერ მოდიან ჩვენთან სახლში, სოციალურ ქსელშიც კი ვერ გვწერენ და მესამე პირის საშუალებით გვითვლიან, რომეშინიათ სამსახური არ დაკარგონ, ახალგაზრდა შვილები ჰყავთ და ეშინიათ ოცნებამ არ ,,გაშაროს”, თორე ისე შეძლებისდაგვარად მხარში გვიდგანან და ემიჯნებიან ჩვენს მიმართ განხორციელებულ ძალადობას და ეს ყველაფერი იმიტომ, რომ ჩემი ოჯახი დაუპირისპირდა რუსულ ოცნებასა და ბიძინა ივანიშვილს!
10 წელი გავიდა, მაგრამ უარეს საშინელ რეალობაში ვცხოვრობთ! დღეს ადამიანებს ეშინიათ განსხვავებული პოლიტიკური აზრის დაფიქსირება საჯაროდ! დღეს ადამიანები ერიდებიან ივანიშვილის კრიტიკასა და ტელეფონზე ვერ საუბრობენ თავისუფლად, რადგან ბიძინა ყველას გვისმენს!წლების წინ, რეალურად იმიტომ ვიბრძოდით, რომ თავისუფლად შეგვძლებოდა განსხვავებული აზრის გამოხატვა შიშის გარეშე და გვეცხოვრა სამართლიან გარემოში, მაგრამ დღეს, ჩვენს მიერ არჩეული ხელისუფლება პოლიტიკურად გვდევნის, არღვევს ადამიანების უფლებებსა და საბოლოოდ ისევ გვიწევს ბრძოლა ბევრად საშინელ სისტემის წინააღმდეგ. ზუსტად ის ადამიანები, ვისაც გაგიხარდათ 16 ივლისის კადრების ნახვა და ვისაც სიამოვნებას განიჭებთ ჩემს ოჯახზე განხორციელებული ძალადობრივი, უსამართლო ქმედებები, 100% დარწმუნებული ვარ, რომ მომავალში, თქვენ თავად გახდებით ბიძინა ივანიშვილის შექმნილი ბინძური სისტემის მსხვერპლი. არ გჯერათ ხო? ვერ წარმოიდგენთ ხო? დიახ, დიახ ეგრე იქნება, რამდენიმე თვის წინ მეც თქვენს ადგილას ვიყავი ზუსტად და მეც ვერ წარმოვიდგენდი, რომ ბიძინა ივანიშვილის ბრძანებით ჩემს ძმას, ძირს დაგდებულს ავტომატს თავში დაუმიზნებდნენ.ჩვენ ვართ ივანიშვილის მსხვერპლი და სწორედ ამ უსამართლობის გამო ვაგრძელებთ ბრძოლას რუსული გეგმის წინააღმდეგ, რომ ვეღარ მოგვისმინონ, ვეღარ გვითვალთვალონ, განსხვავებული აზრის გამო არ დაგვიჭირონ, სამსახურიდან არ გაგვაგდონ, იარაღები არ ჩაგვიდონ, ხელოვნურად არ შექმნან ,,გარკვეული ხარვეზები” და თქვენ თავად გადაწყვიტეთ, როგორი რეალობაა თქვენი და თქვენი შვილებისათვის უკეთესი.
,,VIP პერსონა” ნინი გოგაშვილი,
პოლიტპატიმარი სოსო გოგაშვილის შვილი.
კომენტარები