პირველი ინტერვიუ პოლიციელების მიერ ნაცემ კაცთან – პირი, რომელიც მისი მეგობრის და პოლიციელების გაშველებას ცდილობდა, გორში, კომბინატის დასახლებაში მომხდარ ანგარიშსწორებას იხსენებს.
ლაშა აბისონაშვილი მედიისთვის მიცემულ კომენტარში უარყოფს, რომ მას და მის მეგობარს ჯიბეში დანა ჰქონდათ.
რაც შეეხება მომხდარს, კაცი ამბობს, რომ მის მეგობარს პოლიცია დაედევნა და მანქანით ავარიული სიტუაცია შეუქმნა რასაც კონფლიქტი მოჰყვა.
აბისონაშვილის თქმით, ის კონფლიქტში არ მონაწილეობდა და ადგილზე მას შემდეგ მივიდა, რაც დაინახა რომ მეგობარს პოლიცია ფიზიკურად უსწორდებოდა.
მე და ჩემი ძმაკაცი გვცემეს მაგრად. მანქანა “მიუშვეს” და ამას მოჰყვა შელაპარაკება – ცემეს და მე ვაშველებდი… ფეხით მიდიოდა, “პერერივზე” იყო სამსახურიდან და ფეხით მიდიოდა – რატომ მომიშვიო მანქანაო, ჰკითხა. ყვირილზე გამოვედი.. აქეთ გადმომიყვანეს, აქეთ მცემეს – სუ ყველა [სცემდა]. მე არ ვიცი მიზეზი, თვითონაც არ იცოდნენ მიზეზი. გასაშველებლად მივედი – ვანეიტრალებდი სიტუაციას – ძირს ეწვინათ და მაინც სცემდნენ.
მეც მაქვს დაზიანება… ეგრევე მაგ ჩხუბის მერე გამიშვეს. არსად არვყიოფილვარ განყოფილებაში, ჩემი ძმაკაცი არვიცი, ძალიან ცუდად იქნება ჩემი ძმაკაცი ალბათ, მე რა დამმართეს და წარმომიდგენია. ვინც მოვიდა და ვინც გამოიძახეს, სულ ყველამ სცემა. ჩემი დაკავება არც უნდოდათ, ეს გაუშვითო. სიტყვიერი შეურაცხყოფა მომაყენეს – გა..ვი აქედანო. ჩემმა მეგობარმა თქვა, მანქანა მომიშვა და ხელი გამომიქნიაო. [ჩემმა მეგობარმა] მან უთხრა, „საქართველოს ბანკში“ ვმუშაობ, ადვოკატს დავურეკავო და მაგაზე უფრო გახდნენ აგრესიულები“, – განაცხადა ლაშა აბისონაშვილმა.(tv pirveli)
კომენტარები