რეჟისორი ბაკურ ბაკურაძე სოციალურ ქსელში წერს:
„დღეს აივსება სოციალური ქსელი მოგონებებით იმის შესახებ, თუ როგორ მიუხაროდათ სკოლებში გაპრანჭულებს, დასვენებულებს და ლაღებს.
ხოდა მე არ მიმიხაროდა.
მძულდა 1 სექტემბერი იმიტომ, რომ დამთავრდა ზაფხული და შესაბამისად თავისუფლება.
1 სექტემბერი ჩემთვის პირდაპირ ასოცირდებოდა თავისუფლების შეზღუდვასთან ისევე, როგორც მთელი სკოლის პერიოდი.
ბუნებრივია, ეს იყო არაჩვეულებრივი წლები, თუმცა მაინც, ჩემს ცნობიერებაში სკოლა იყო რაღაც იძულებითი, ჩემი ნების საწინააღმდეგო მოვლენა, რომელიც მთელი თავისი მოცემულობით და ვალდებულებებით იყო ჩემთვის ყვეელაზე ძვირფასის, ჩემი თავისუფლების მარწუხებში მოქცევა.
P.S. მაწუხებდა ახალი ფეხსაცმელი, მიჭერდა პერანგის საყელო, მამძიმებდა გატენილი ჩანთა, თვითონ ჩანთა იყო საშინელი მოცემულიბა, კატასტროფული დისკომფორტი, საშინელი!!!“
კომენტარები