მძიმე კოვიდ ვითარება საბერძნეთში და ახალი ზომები, რომელიც ძალაში დღეიდან შედის

საბერძნეთის მთავრობა, ქვეყანაში მიმდინარე კოვიდ ვითარებას უკიდურესად მძიმედ აფასებს. მხოლოდ გუშინ, ქვეყანაში კორონა ვირუსის 28.828 ახალი შემთხვევა დაფიქსირდა, რის შედეგადაც ხელისუფლების გადაწყვეტილებით, დღეიდან ძალაშია ყველა ის კოვიდ რეგულაცია, რომელიც 3 იანვრიდან იგეგმებოდა.   

უკვე დღეიდან, საბერძნეთის ყველა გასართობი ცენტრები და სარესტორნო ქსელები იმუშავებენ 24:00 საათამდე. მოემსახურებიან მხოლოდ მაგიდებთან მსხდომ კლიენტებს (იკრძალება ფეხზე დგომა). თითო მაგიდასთან დასაშვებია მხოლოდ 6 ადამიანის განთავსება.  

ახალი გადაწყვეტილებით იკრძალება მუსიკაც.  

გამონაკლისი იქნება მხოლოდ ახალი წლის ღამეს. 31 დეკემბერს სარესტორნო ქსელები 02:00 საათამდე იმუშავებენ თუმცა ყველა ზემოთ ჩამოთვლილი ზომების დაცვით.   

სუპერმარკეტებში, საჯარო ტრანსპორტში ასევე კვების ობიექტებსა და ხალხმრავალ ადგილებში სავალდებულოა ორმაგი ან გაძლიერებული დაცვის მქონე (N95) პირბადის გამოყენება.  

აღსანიშნავია, რომ ახალი ზომები გაგრძელდება 2 კვირის განმავლობაში, რის შემდეგაც ისინი შეიცვლებიან მიმდინარე მდგომარეობის შესაბამისად.