“მდინარაძეს აუხსენით თუ შეიძლება, რომ საზოგადოება შეცდომაში შეჰყავს” – რამაზ სამხარაძე

სამაუწყებლო კომპანია “ჰერეთის” დირექტორი, მფლობელი, რამაზ სამხარაძე, კომუნიკაციების კომისიას მიმართავს:

“ახლა მამუკა მდინარაძის ბრიფინგს ვუყურებ  – მიზანმიმართულად შეჰყავს საზოგადოება შეცდომაში. კომუნიკაციების კომისია, გაავრცელეთ თუ შეიძლება განცხადება და აუხსენით, რომ მაუწყებლის შესახებ საქართველოს კანონის თანახმად, თითოეული მაუწყებლის შემოსავლები, ყველა თეთრი და დაფინანსების წყაროები არის გამჭვირვალე საქართველოს კომუნიკაციების ეროვნული კომისიის ვებგვერდზე www.comcom.ge.

აქვე, უფრო მეტი სიცხადისთვის, მაუწყებლები კვარტალში ერთხელ ვაბარებთ ანგარიშს კომისიას, ყოველწლიურად კი ამ ყველაფერს ერთვის გამჭვირვალობის შესახებ დოკუმენტაცია და აუდიტის დასკვნა. წინააღმდეგ შემთხვევაში, მაუწყებელი სანქცირდება და შესაძლოა დაკარგოს ლიცენზიაც კი.”