მდინარაძე, კილაძე და ბიტკოინები? – რას ამბობს კობახიძე

ქართული ოცნების გუნდის ლიდერი, ირაკლი კობახიძე, ელისო კილაძის დაკავებაზეც საუბრობს და აკომენტარებს კილაძის იმ წერილს, რომლის თანახმად იგი დაკავებას მამუკა მდინარაძის ბიტკოინებზე გაკეთებულ განცხადებებს უკავშირებს და ამბობს:

„მან უკვე მეორე გააკეთა ეს განცხადება პირველად გააკეთა დაახლოებით 1 წლის წინ. რამე რომ ჰქონოდა, გამოაქვეყნებდა. ბიტკოინების შესახებ ინფორმაცია არის კონფიდენციალური ანუ პრაქტიკული კუთხითაც აბსურდული იყო მისი ეს განცხადება. სერიოზულ კომენტარს მისი ასეთი განცხადებები, არ იმსახურებს“

ცნობისთვის, ელისო კილაძემ ციხიდან გუშინვე წერილი გაავრცელა, სადაც წერს:

“რაც შეეხება კრიპტოვალუტას, ჩემს მიერ მხილებულია სუს-ის უფროსი მამუკა მდინარაძე, მის ელექტრონულ საფულეზე 241 ბიტკოინის ფლობით. ამ კვირაში ვაპირებ გლდანის ციხის დირექტორის და სუს-ის თანამშრომლის სოსო წაქაძის თვითმკვლელობის დეტალებზე საუბარს.”