ჟურნალისტი, ვახო სანაია:
“მახსოვს, როდესაც ამირან გამყრელიძესთან მწვავე ინტერვიუ მქონდა, შეტევის როგორი ნიაღვარი წამოვიდა სოციალურ ქსელებში – ცხადია, ეს თავდასხმა ხელისუფლების ორგანიზებული იყო. ბევრი დაბნეული პატიოსანი ადამიანიც აჰყვა – ნაცნობებიც და უცნობებიც.
მაშინ ამირან გამყრელიძე, პაატა იმნაძე და თენგიზ ცერცვაძე კერპებად შერაცხეს, თაყვანს სცემდნენ და შეკითხვის დასმაც კი მკრეხელობად მიიჩნეოდა.
საქართველოში კოვიდმა დაახლოებით 17 ათასი ადამიანი იმსხვერპლა. არავინ იცის, ხელისუფლებამ როგორ დახარჯა მილიარდები. არავის არაფერზე უგია პასუხი ხელისუფლებიდან – ესაა, რაც საზოგადოებას დარჩა უპირობოდ გაცემული ნდობიდან. რა ამაზრზენი საყურებელი იყო, როცა ,,ქართული ოცნება” ექიმების დამსახურებებს თავის თავზე იწერდა.
მერე ივანიშვილის კარზე ცვლილებები მოხდა. ვიღაც წავიდა, ვიღაც მოვიდა. ამასობაში კი ,,ქართულ ოცნებაში” თავად ამირან გამყრელიძეც მოიძულეს. როგორც თავად ამბობს, ,,კეთროვნად” გამოაცხადეს, არადა არც პარტიულ ღონისძიებებს ტოვებდნენ. არც ის ვიცი, სამიდან ორი მუშკეტერი რას ფიქრობს ამ ყველაფერზე.
არ დავაშეარებ იმ ძველ სტატუსს, რომელიც ამირან გამყრელიძესთან ინტერვიუს შემდეგ დავწერე. ალბათ ბევრს შერცხვება – არა მხოლოდ იმის გამო, რასაც მაშინ ამბობდა – შეცდომა ყველას მოსდის, არამედ უპირველეს ყოვლისა, იმიტომ, ახლა რომ დუმს.
ახლა, როცა ხელისუფლება გამყრელიძეს ებრძვის, არ მესმის იმ ხალხის ხმა, რომელიც მას დაიცავს. სადაც ამირან გამყრელიძისთვის კარი ისევ ღიაა – ეს მედიაა.
ეს ყველაფერი კიდევ ერთი მაგალითია მათთვის, ვისაც ,,ქართულ ოცნებასთან” უწევს ურთიერთობა.”
კომენტარები