“მანქანა უცხო კაცს მივაქირავეთ… მძღოლი ცუდად გახდა…” – რა არის ცნობილი პირზე, ვინც მანქანით საპატრიარქოს ჭიშკარი შეანგრია?

მანქანამ ტაქსის ტრაფარეტით დააზიანა შლაგბაუმი და ჭიშკარი შეანგრია, შემდგომ კი, საპატრიარქოს ეზოში მდგარ შავი ფერის “ტოიოტას” შეეჯახა.

რადიო თავისუფლებასთან მოქალაქე თ.ც. ამბობს, რომ ეს „ტოიოტა პრიუსი“ მისი მშობლების საკუთრებაა. მისივე თქმით, მანქანა გაქირავებული იყო ვებ. საიტიდან და ამიტომ, მამაკაცს, ვინც იქირავა, არ იცნობენ. “უცხო კაცმა დაგვირეკა და მივაქირავეთ” – ამბობს მოქალაქე გამოცემასთან.

“ტვ იმედი”, რომელმაც პირველმა გაავრცელა ამბავი, ამტკიცებდა, რომ კაცი აგინებდა შიო მესამეს და საპატრიარქოს, თვითმხილველი, რადიო თავისუფლებასთან კი ჰყვება, რომ მამაკაცი საჭესთან ცუდად გახდა და ამას მოჰყვდა შეჯახება.

შსს ადასტურებს ერთი პირის დაკავებას, სისხლის სამართლის კოდექსის 187-ე მუხლით, რაც გულისხმობს სხვისი ნივთის დაზიანებას ან განადგურებას, რამაც მნიშვნელოვანი ზიანი გამოიწვია”.

ცნობისთვის, ნივთთა დაზიანებისგან მიყენებული ზიანი ჯერ არაა დათვლილი ოფიციალურად და მიმართავს თუ არა ექსპერტიზას შსს, თუ სასამართლოზეც ასე ზეპირად და შეთვალიერებით დადგინდება ზიანის ოდენობდა – გამოჩნდება.