აქტივისტი ნინო დათაშვილი, რომელზეც რამდენიმე დღის წინ შსს-მ სისხლის სამართლის საქმე აღძრა, დააკავეს.
შსს-ს მიერ გავრცელებული ინფორმაციის თანახმად, დათაშვილი სამსახურეობრივი მოვალეობის შესრულების დროს საჯარო მოსამსახურეზე განხორციელებული თავდასხმის ბრალდებით დააკავეს.
შეგახსენებთ, რომ აქტივისტ ნინო დათაშვილის წინააღმდეგ შსს-მს სისხლის სამართლის საქმის წარმოება, სისხლის სამართლის კოდექსის 353-ე სეკუნდა მუხლით არის დაწყებული, რაც საჯარო მოსამსახურეზე, სამსახურებრივი მოვალეობის შესრულების დროს განხორციელებულ თავდასხმას გულისხმობს.
მუხლი ისჯება ჯარიმით ან თავისუფლების აღკვეთით ვადით სამ წლამდე. ამ ქმედების ჩადენა არაერთგზის, ჯგუფურად, არასრულწლოვნის თანდასწრებით, აფეთქებით, ცეცხლის წაკიდებით ან სხვა საყოველთაოდ საშიში საშუალებით – დაისჯება ჯარიმით ან თავისუფლების აღკვეთით ვადით ორიდან ექვს წლამდე.
მარიამ ნიკურაძე, სოციალურ ქსელში, წერს:
9 ივნისს მანდატურებმა ძალის გამოყენებით გამოაძევეს ნინო დათაშვილი სასამართლოდან, დაზიანებები მიაყენეს, აქეთ დაიჭირეს მანდატურის ფიზიკური შეურაცხყოფისთვის. მისი უფლებების შეზღუდვას არავინ გამოიძიებს ისევ.
სამაგიეროდ იმ უფლებადამცველებს, ვინც წარმოუდგენელ შრომას დებენ ჩაგრული ადამიანების დაცვისთვის, რუსული კანონებით ეცნენ, რომ შეზღუდონ და პარალიზება მოახდინონ მათი მუშაობის.
სოლიდარობა თქვენ ყველას! სოლიდარობა ყველაზე ძვირფასი, საჭირო და ფასეულია ახლა, არავინ დარჩება მარტო.
კომენტარები