“მანდატს არ ვებღაუჭებით”; “იმდენი ტყუილი აქვს ნათქვამი”; “ეს ხელს აძლევს ოცნებას” – რას პასუხობს საპარლამენტო ოპოზიცია ნათელაშვილს?

ოპოზიციური პარტიების ლიდერები, რომლებსაც შალვა ნათელაშვილი უკვე კარგა ხანია მოუწოდებს, დატოვონ პარლამენტი ლეიბორისტული პარტიის ლიდერს, მედიასთან პასუხობენ.

ანა ბუჩუკური (პარტია საქართველოსთვის):

„პარლამენტიდან გასვლა-შემოსვლის თემა, უკვე იმდენად კომიკური გახადეს ჩვენმა კოლეგა ოპოზიციონერებმა, რომ ამ თემაზე კომენტარს აღარ ვაკეთებთ. ჩვენი გუნდის პოზიცია იცით, რომ მაქსიმალურად ვიყენებთ ყველა ბერკეტს რაც პარლამენტში გვაქვს“.

პაატა მანჯგალაძე (სტრატეგია აღმაშენებელი):

„ჯერ უნდა დავგეგმოთ რა ნაბიჯები გადავდგათ და მერე გამოვიდეთ, მთავარია მანდატი გამოყენებული იყო, როგორც „ქართულ ოცნებაზე“ ზემოქმედების საშუალება და არა მათთვის დამატებითი კომფორტის შესაქმნელად. მანდატს არავინ არ ებღაუჭება“

დეპუტატი ხათუნა სამნიძე:

„ეს მგონია შეცდომა და ეს ხელს აძლევს ქართულ ოცნებას, ჩვენ უნდა გავაძლიეროთ პოლიტიკური ბერკეტები და განვაგრძოთ ბრძოლა“

ალექსადნრე რაქვიაშვილი (გირჩი):

„შალვა ნათელაშვილს იმდენი ტყუილი და მართალი აქვს ნათქვამი, საჯაროდ თუ არასაჯაროდ მისი განცხადების კომენტირება და განცხადებების კეთება, არასერიოზული იქნება ჩვენი მხრიდან, თუ ვინმეს უნდა პარლამენტის დატოვება, ალბათ იცის ეს როგორც უნდა გააკეთოს“

„.მეგობრებო ევროპა–ამერიკიდან სად იყურებით?რაღას ელოდებით?“ – შალვა ნათელაშვილი