“მანამ ვიქნებით ქოცების ხელში, სანამ შეტევაზე არ გადავალთ”– ხაბეიშვილი

ენმ-ის ლიდერი, ლევან ხაბეიშვილი საკუთარ განაჩენს ციხიდან წერილით ეხმაურება:

არ ვაპირებ მოთქმა-გოდებას, მიუხედავად იმ სატანჯველისა, რასაც სამარტოო საკანში გატარებული ყველა წუთს თან ახლავს. ნამდვილ დისიდენტებს 7 წელი მიუსაჯეს, სტუდენტები არიან მძივლად და შესაბამისად, ხელების ჩამოშვება დანაშაულია. ჩვენსა და გამარჯვებას შორის დგას შიში, რომელსაც ივანიშვილი ყოველ წამს კიდევ უფრო აღვივებს, თუ არ შეგვეშინდება და გავიაზრებთ სააკაშვილის მოწოდებას, გავერთიანდეთ დროშის გარშემო, გამარჯვება გარდაუვალია. მანამ ვიქნებით ქოცების ხელში, სანამ გამბედაობას არ მოვიკრებთ და შეტევაზე არ გადავალთ. შეტევა ნიშნავს 100 ათასობით ადამიანის პროტესტს. რაც შემეხება მე – 1.5 დამრჩა და ერთი სული მაქვს ვემსახურო ჩემ ხალხს. არ დანებდეთ, ძალა ერთობაშია.

“ერთიანი ნაციონალური მოძრაობის” პოლიტ საბჭოს თავმჯდომარე ლევან ხაბეიშვილს 2 წლითა და 6 თვით პატიმრობა შეეფარდა. საუბარია მოხელისათვის ქრთამის დაპირებისა და სახელმწიფო ხელისუფლების დამხობისაკენ მოწოდების საქმეზე.

მოსამართლე ირაკლი ხუსკივაძის გადაწყვეტილებით, ლევან ხაბეიშვილის ბრალდების საქმეზე 317-ე მუხლი გადაკვალიფიცირდა 318-ე მუხლის პირველ ნაწილზე და ლევან ხაბეიშვილს სასჯელად 2 წლით და 6 თვით თავისუფლების აღკვეთა განესაზღვრა.