“ქუჩა არ არის გადამწყვეტი, ხვალ ყველა უნდა მივიდეთ საარჩევნო ყუთებთან და მოვიხადოთ ჩვენი მოქალაქეობრივი ვალი.” – აღნიშნა “ლელოს” ლიდერმა
აქ არ არის საუბარი ერთი პარტიის, თუნდაც “ლელოს” გამარჯვებაზე, ხვალ უნდა გაიმარჯვოს ოპოზიციამ. მე თუ არჩევანი მაქვს, რომ “ლელომ” გააუმჯობესოს თავისი შედეგი, მიიღოს გაცილებით მეტი ხმა, ვიტყოდი, რომ ჯობია ერთიანად მოიგოს ოპოზიციამ და ჩვენ გადავიდეთ კოალიციურ მართველობაზე, დღეს ეს ბევრად მნიშვნელოვანია; დღეს ეს ბევრად სჭირდება ჩვენს ქვეყანას და ჩვენ ხალხს, განვითარებას…. არჩევნები სწორედ იმას ემსახურება, რომ ვერცერთმა ძალამ ვერასდროს საქართველოში ვერ მოიპოვოს მმართველობა ისეთი, როგორიც დღეს აქვს „ოცნებას” ან, როგორც ქონდა „ნაციონალურ მოძრაობას”. ჩვენი მთელი არსებობა და ბრძოლა იმისკენ მიდის, რომ „ლელო” შემოვიდეს ამ არჩევნებში და რა თქმა უნდა სხვა პარტიებთან ერთად, იყოს დამბალანსებელი, რომ აღარ მოხდეს ხელისუფლების და ძალაუფლების უზურპაცია. “ლელოს” აქვს ამბიცია, რომ იყოს კოალიციის ავანგარდში.” – აღნიშნა მამუკა ხაზარაძემ
“ლელოს” ლიდერმა მიხეილ საკაშვილის დაკავებაზე და ხვალინდელი არჩევნების მნიშვნელობაზე ისაუბრა. ხაზარაძემ ასევე აღნიშნა, რომ ხვალ, თითოეული მოქალაქე უნდა მივიდეს საარჩევნო ყუთებთან და შემოხაზოს ოპოზიცია, რადგან ქვეყანაში არ გაგრძელდეს ორ პოლუსიანობა თუ ქვეყანას უნდა ალტერნატივა, ამისათვის მოსახლეობამ ოპოზიციას უნდა დაუჭიროს მხარი.
“ხვალ ყველა უნდა მივიდეთ საარჩევნო ყუთებთან და მოვიხადოთ ჩვენი მოქალაქეობრივი ვალი ჩვენ არ უნდა შევიდეთ ისევ იმ 30 წლიან ჩაკეტილ წრეში, არ უნდა აღმოვჩნდეთ ისევ ორ პოლუსიანობაში იმიტომ, რომ თუ ჩვენ გვინდა ალტერნატივა, ამისათვის ოპოზიციას მოსახლეობამ აუცილებლად უნდა დაუჭიროს მხარი” – განაცხადა მამუკა ხაზარაძემ
“რაც არ უნდა პრობლემა იყოს კაცის დაჭერა, რომ მისალოცი ხდება უკვე წარმოუდგენელი და ამორალური ამბავია. ნებისმიერი ადამიანის, რა დანაშაულიც არ უნდა ჰქონდეს მას ჩადენილი. აქ გამოჩნდა “ქართული ოცნების” მორალური სახე, ბიძინა ივანიშვილს მიულოცეს კაცის დაჭერა, რაც უკვე ძალიან ცუდია.
მაგრამ ჩვენ ამაზე საუბარს და განხილვებს არ უნდა გადავაყოლოთ მთავარი, სახელმწიფოებრივი მნიშვნელობის არჩევნები. ქუჩა არ არის გადამწყვეტი, ხვალ ყველა უნდა მივიდეთ საარჩევნო ყუთებთან და მოვიხადოთ ჩვენი მოქალაქეობრივი ვალი. ჩვენ არ უნდა შევიდეთ ისევ იმ 30 წლიან ჩაკეტილ წრეში, არ უნდა აღმოვჩნდეთ ისევ ორ პოლუსიანობაში იმიტომ, რომ თუ ჩვენ გვინდა ალტერნატივა, ამისათვის ოპოზიციას მოსახლეობამ აუცილებლად უნდა დაუჭიროს მხარი, ალტერნატიულ ოპოზიცურ ძალებს” – მამუკა ხაზარაძე.
კომენტარები