პოლიტიკოსი, ლევან გოგიჩაიშვილი, “პალიტრანიუსის” ეთერში, უკრაინის დაზვერვის მიერ გავრცელებულ ინფორმაციაზე საუბრისას, ამბობს:
ყველაზე კარგი ვარიანტია, ემოციის ფონზე გაკეთებული განცხადება იყოს, რომელსაც არანაირი ფუნდამენტური საფუძველი არა აქვს, ეს იქნებოდა, ალბათ, ყველაზე კარგი სცენარი.
ეს ფაქტი რომ არ იყოს დამდგარიყო, შეიძლება უფრო თავისუფლად მელაპარაკა რაღაცეებზე, დღეს მესმის, რომ რაც არ უნდა მომწონდეს, ან არ მომწონდეს ხელისუფლება, არის მომენტები, როდესაც სჯობია თავი შეიკავო და სხვა დრო დადგეს, რომელიც გაცილებით ნაკლები ზიანის მომტანი შეიძლება იყოს… საზოგადოება რომ არ დავაზიანოთ, ხელისუფლების დაზიანება ჩემთვის არ არის პრობლემა, ჩემთვის მნიშვნელოვანია ემოციურ დონეზე საზოგადოება არ დაზიანდეს.
ლევან გოგიჩაიშვილმა ეთერში ისაუბრა ასევე ბიძინა ივანიშვილის გარემოცვაზე, რომლებსაც ბურუსითმოცული და შავბნელი ადამიანები უწოდა და თქვა:
“ივანიშვილს და მის გარემოცვას, ფული უყვარს სამშობლოზე მეტად, მათთვის ყველაფერი ფულში იზომება, ფასელობა მათთვის არ არსებობს, ყველაფერზე ხელისმომწერები არიან, ოღონდ ფული იშოვონ. მათი მთავარი ამოცანაა მეტი ფული იშოვონ, სამშობლოზე, ადამიანზე მეტია მათთვის ფული.”
ლევან გოგიჩაიშვილს, ჟურნალისტი ჩაეკითხა, თუ ასეა, მაშ რატომ გამორიცხავს უკრაინის უშიშროების მიერ გავრცელებულ ინფორმაციას? “ეს ფულის საკეთებელია პირველ რიგში”, რასაც გოგიჩაიშვილი ასე პასუხობს:
იარაღზე არ ვსაუბრობ ზოგადად, მაგრამ ეკონომიკაში, დეფიციტურზე შეიძლება, ალბათ, რაიმე ინტერესის მოძებნა ბევრ ადამიანს მოუვიდა თავში. მე დღეს არ მინდა ამაზე საუბარი და მინდა ეს იყოს ემოციური განცხადებები. მე ჩვენ საზოგადოებას ვუფრთხილდები. მე რასაც ვფიქრობ, ეს ჩემი ფიქრებია, მაგრამ მე ვამბობ, რომ ამ ადამიანებს ფული უყვართ ყველაზე მეტად.
კონკრეტულ საკითხს რაც შეეხება, ამას მაინც მტკიცებულებები სჭირდება, სერიოზული მტკიცებულებები. ეს იმ მომენტია, როდესაც მტკიცების ტვირთი ბრალდების მხარესაა.
არ დაგავიწყდეთ მამაცაშვილი, რომელიც ძალიან ნეგატიურ როლს… მამაცაშვილი არის შუამავალი, პირდაპირი მნიშვნელობით, მე ამას სრული სერიოზულობით ვლაპარაკობ, პასუხისმგებელიც ვარ და მოვა დრო და ამას დავამტკიცებ, მამაცაშვილი არის მიდი-მოდი ადამიანი, რომელიც აკავშირებს საქართველოსა და რუსეთის ბიზნეს წრეებს და რუსეთის ბიზნესის წრეები, ეს ჩათვალეთ არის განუყოფელი ნაწილი კრემლთან.
პუტინს მამაცაშვილს არავინ არ შეახვედრებს. მტვერია, როგორც ჭუჭყი შეიძლება ისე უყურებდეს, მაგრამ ეს ადამიანები სულ მიდი-მოდი არის, აბა, ვინ მისცა ალტ-ინფოს ამხელა გაქანების საშუალება? ეს ფული როგორ შემოდის ამ ქვეყანაში? დავიჯერო ოკუპანტ ქვეყანასთან რომ ადამიანები ჩადიან-ჩამოდიან და და მაგიდასთან უსხედან ისეთ ხალხს, რომლებიც შენი დეკლარირებული მტრები არიან , ერთხელ არ შეიძლება, ზრდილობის გულისთვის მაინც, მოდი, ერთი მომიყევი რაზე ისაუბრე? სუს-ს ამის განცდა არა აქვს? მინიმუმ ის ინფორმაცია მაინც არ აინტერესებს საგარეო დაზვერვას, როგორ ფიქრობს, მაგალითად, კომიტეტის თავმჯდომარე რუსეთის? ოფიციალური შეხვედრების შემდეგ, ხომ არსებობს არაოფიციალუყრი შეხვედრები? ეს ინფორმაცია არ აინტერესებთ? თუ არ აინტერესებთ და არ კითხულობენ, ე.ი. ბრიყვები არიან…
მე რამოდენიმე აზრზე ვსაუბრობ, რომელიც ლოგიკურ ჯაჭვს შეკრავს. მე ზუსტად ვიცი, რომ ეს ხალხი მათი კონტროლის ქვეშაა და თუ სუსის კონტროლის ქვეშააა ალტ-ინფო, გამოდის, სუსიც უკვე, შეიძლება რუსული სუსია, იმიტომ, რომ მათ თუ ჩააბარეს ეს ხალხი, მოდი, რა მიმიხედე, ჩემი ხალხია, და ჩემო ძმაო, მოდი, მიმიხედე…
ნახეთ, სუსი უნდა გავყოთ ჩვენ რამოდენიმე კომპონენტად. სუსში არის ანტიკორუფციულიც, ანტიტერორისტულიც და კონტრდაზვერვაც, მაგრამ სუსში არის ასევე კონსტიტუციური დეპარტამენტი, ეს არის, პირდაპირ გეტყვით, განგრენა ქართული სახელმწიფოსი. კონტრდაზვერვა, ანტიტერირისტული, მეტნაკლებად ისეთი უწყებაა, რომელშიც ჩვენი დასავლელი პარტნიორები დიდ რესურსებს დებენ, აი, ეს კონსტიტუციური დეპარტამენტი, ეს არის განგრენა, თავისი თანამშრომლებით, ინტრიგებით, მომსმენებით და ყველაფერ სიბინძურეზე ხელისმომწერი ადამიანებით და ამათი მფარველობის ქვეშ არიან ეს ორგანიზაციები.
ბრალდება რა არის ეს, ადრე თუ გვიან ამ ადამიანებს პასუხის გაცემა მოუწევთ რას აკეთებდნენ. მერაბ კოსტავას და ქაქუცა ჩოლოყავშვილის იდეებს უნდა ემსახურონ ამ ქვეყანაში ადამიანები, ჩვენი პოლიცია და ძალოვნები ამ იდეალიებით უნდა ცხოვრობდნენ. და დღემდე ვერ გავთავისუფლდით ამ “ოხრანკისგან”, 30 წელი გავიდა და დღემდე იყენებენ ამ ქვეყანაში “ოხრანკას”.
კომენტარები