ქ.თბილისის ზემო ფონიჭალის ყოველთა წმიდათა ტაძრის დეკანოზს, მამა იოანე წკეპლაძეს სასწრაფოდ ესაჭიროება ღვიძლის გადანერგვა. შექმნილი ვითარებიდან გამომდინარე (ე.წ. კორონა ვირუსის გამო) ოპერაციის გაკეთება ვერ ხერხდება საქართველოში, ამიტომ ოპერაცია უნდა გაუკეთდეს თურქეთში, რაც კიდევ უფრო დიდ თანხებთანაა დაკავშირებული.
თანხის შესაგროვებლად ოჯახის წევრებმა და ახლობლებმა გადაწყვიტეს გამოფენა-გაყიდვის მოწყობა ქ.ბათუმში, კერძოდ, 6 მაისის პარკის შესასვლელთან. გამოფენა-გაყიდვა გაგრძელდება 1 კვირა (დაიწყო 24 აგვისტოს და დასრულდება 31 აგვისტოს). გამოფენაზე იქნება ცნობილი თუ მოყვარული მხატვრების ნამუშევრები, ნაქარგები, ფოტოები, სხვადასხვა ხელნაკეთი ნივთები, სამკაულები, წიგნები ავტორის ხელმოწერით და ა.შ. სხვა ბევრი საინტერესო ნამუშევარი.
შემოსული თანხა მოხმარდება მამა იოანეს ოპერაციას.
კომენტარები