„მაიმუნის ყვავილით“ ადამიანისგან ძაღლი დაინფიცირდა – ჯანმო

ჯანდაცვის მსოფლიო ორგანიზაციამ განაცხადა, რომ მაიმუნის ყვავილის გავრცელების შემდეგ პირველად, ძაღლი ვირუსით თავისი პატრონისგან დაინფიცირდა.

ჯანდაცვის ლიდერები ამბობენ, რომ ინფიცირებისას შინაური ცხოველებისგან იზოლაცია მნიშვნელოვანია.

ექსპერტების თქმით, მტკიცებულება იმის შესახებ, რომ ძაღლებს დაავადების სხვა ძაღლებისთვის ან ადამიანებისთვის გადადება შეუძლიათ, ჯერჯერობით არ არსებობს.

ცნობისთვის, მაიმუნის ყვავილი ვრცელდება კანთან მჭიდრო კონტაქტით და ასევე, იმ ქსოვილებთან შეხებით, რომლებიც მანამდე დაავადებულმა პირებმა გამოიყენეს.

მსოფლიოში მაიმუნის ყვავილის 35 000-მდე შემთხვევაა გამოვლენილი, აქედან ფატალურად მხოლოდ 12 დასრულდა.