ტვ პალიტრის ეთერში, ერთმანეთს დაუპირისპირდნენ გიორგი გახარიას გუნდის წევრი, ბერდია სიჭინავა და ლელოს წევრი, გრიგოლ გეგელია, ბერდია სიჭინავა ამტკიცებს, რომ ხელისუფლებაში მოსვლის შემთხვევაში, ლელო ვერ შეძლებს პენსიების 1000 ლარამდე გაზრდას და ეს ტყუილია, საპირისპიროს ამტკიცებდა გრიგოლ გეგელია და ჟურნალისტის კითხვას, ბერია სიჭინავასადმი, გახარიას გუნდი რამდენ პენსიას პირდება ამომრჩეველს, გრიგოლ გეგელია პასუხობს და ამბობს, რომ გახარიას გუნდი უკვე იყო ხელისუფლებაში და “მოსპეს ეკონომიკა.”
გრიგოლ გეგელია:
–ვერაფერს ვერ პირდებიან, მოსპეს ქართული ეკონომიკა როცა მართავდნენ, უკვე იყვნენ ხელისუფლებაში, მართა ამ ხალხმა უკვე, მართალია ახლა კობახიძეს და ზარქუას აბრალებენ, მაგრამ არ იყო გახარია ეკონომიკის მინისტრი? კერძო პირმა, მამუკა ხაზარაძემ მილიარდები შემოიტანა ინვესტიციებით, გიორგი გახარიამ მაგის ნახევარი ვერ შემოიტანა, იგრძენით განსხვავება, პრემიერ–მინისტრმა თავისი სამინისტროებით, 15 მინისტრი ჰყავდა, დიპლომატიური სამსახური, სიპები, აიპები, ხაზარაძის ნახევარი რატომ ვერ შემოიტანა ქვეყანაში გიორგი გახარიამ პრემიერობისას?
ბერდია სიჭინავა:
–მორჩი ამ ისტერიკას… ანაკლიის ჩავარდნას ქვია ერთადერთი სახელი – მამუკა ხაზარაძე, არბიტრაჟს დაელოდე.
გრიგოლ გეგელია:
–არბიტრაჟს თქვენ უნდა დაელოდოთ. თქვენ რატომ არ დაასრულეთ პორტი? მაია ცქიტიშვილმა პირადად რომ გააქცია ინვესტორები კაბინეტიდან, მაია ცქიტიშვილმა, გახარიას საყვარელმა მინისტრმა?
ბერდია სიჭინავა:
–რომელი ინვესტორები, რომელი?
გრიგოლ გეგელია:
–რომელი? გიორგის ჰკითხე და გეტყვის.
ბერდია სიჭინავა:
–რუსულ სპეცსამსახურებთან რომ იყო კავშირში და შუააზიასთან? მაგათი გავლენის სფეროების?
გრიგოლ გეგელია:
–არა, სირცხვილია, ხალხს გუგლი აქვს…
ჟურნალისტი:
–რას ამბობთ ხაზარაძეს შემოჰყავდა ისეთი ინვესტორები, რომლებიც იყვნენ რუსულ სპეცსამსახურებთან კავშირში?
გრიგოლ გეგელია:
–2024 წელია, გუგლის ეპოქაა, ხალხი სულელი გგონიათ? ხალხო დაგუგლეთ, “ვანორდი”, “იბიარი”, “ეიდიბი” , ამას უწოდებენ რუსულ სპეცსამსახურს, ამ კომპანიებმა რომ გაიგონ, რომ გახარიას პარტია აბრალებს რუსულ სპეცსამსახურებთან კავშირს, არ შეგრცხვებათ? ივანიშვილის ნების გამტარი არ იყო გახარია?
ბერდია სიჭინავა:
–ივანიშვილი იყო პარტიის თავმჯდომარე და…
გრიგოლ გეგელია:
–ხოდა, მაგ ივანიშვილის დანიშნული არ იყო პროკურორად ბოტასების ქურდი? ახლა რომ რუსეთის აგენტი აღმოჩნდა? რამეზე იღებდა გახარია ხმას? არაფერი არ იყო გახარია არასოდეს? თუ არაფერი არ იყო, რას აკეთებდა საერთოდ?
ბერდია სიჭინავა:
–დამშვიდდი, რა იყო, რა დაგემართა.
კომენტარები