ევროპულ და ევროატლანტიკურ სტრუქტურებში ინტეგრაციის საკითხებში ყოფილი სახელმწიფო მინისტრი ბუკა პეტრიაშვილი:
გამარჯობა! ომის კვლევის საერთაშორისო ინსტიტუტის შეფასებით, უკრაინა ხელში იღებს სტრატეგიულ ინიციატივას და რუსეთი იძილებულია სხვადასხვა მიმართულებით გადაისროლოს ბოლო ძალები და შექმნას მასშტაბური კონტრიერიშის განცდა! მაინც არ უშველით მაგ საძაგლებს არაფერი! გუშინ ჩვენებმა ხარკოვის და დონეცკის ოლქებში გაათავისუფლეს 2 დასახლებული პუნქტი – დმიტროვკა და მაზანოვკა! სამხრეთისკენ ურდოს ძალების გადასაროლით ჩვენებს აღმოსავლეთში იზიუმის მიმართულებით წარმატებითი იერიშის შესაძლებლობა ეძლევათ!
გუშინ ტრადიციულად ჩვენებმა ურდოს შეიარაღების საწყობები გაანადგურეს, ამჯერად 3 წერტილში. 4 ცალი ს-300 ჰაერსაწინააღმდეგო თავდაცვის სისტემის ერთდროულად დადუღება მაინც განსაკუთრებით სასიამოვნოა!
ურდომ გუშინ მთელი დღე იწვალა, უტევდნენ ჩვენებს, განსაკუთრებით პესკების დასახლების და ბახმუტის მიმართულებით! პესკებში ერთი პირი ცოტა წინ წამოიწიეს, მაგრამ მოხვდათ იქაც ჩვენებისგან დინგში! ყველა მიმართულებაზე ჩაუვარდათ შეტევა ურდოსებს!
ღამე ისევ დაბომბეს ამ ნაძირლებმა მიკოლაევი, ნიკოპოლი და ხარკოვი!
გუშინ დღისით დონეცკიდან დნრ-ის ავადცნობილ არტილერისტებოს მეთაურ ქალს მიაცილებდნენ კობზონთან! ჩვენებმაც, მარტო ხო არ გავუშვებთო და ჩააყოლეს კიდევ რამდენიმე მაღალი რანგის კოლაბორანტი და ურდოსი! არ მოიწყენენ! უკვე 41500 არიან ერთად! წინ, ახალი ნიშნულებისკენ!
თანაც ჩვენებმა ჩრდილოეთ მაკედონიისგან 4 ზიზია სუ-25 მიიღეს! საკობზონე მასალის გასამდიდრებლას მშვენიერია!
აშშ-ს და უკრაინის თავდაცვის მინისტრებს შორის გამართული სატელეფონო საუბრით კმაყოფილი რეზნიკოვი! ახალი პაკეტი მზადდება დახმარების და რაც გვჭირდება, ყველაფერი იქნებაო!
მამკალით და მაგრა ვხალისობ, გერმანიას რო რუსეთი გაზის მიწოდებით აშანტაჟებს! თუ ნაღდი სახე ვინმეს არ უნახავს ევროპაში, ჩავიდეს ფინეთის საზღვართან და ნახავს, როგორ წვავს პუილო რუსულ გაზს ფინეთის საზღვარზე! აგიჟებს ევროპელებს თავის ჭკუაში! ამ დროს პოლონეთმა ზამთრის მარაგები 100%-ით შეავსო, შემოდგომიდან ახალი მილსადენით ნორვეგიიდანაც მიიღებს ბუნებრივ აირს!
კიდევ 2 უკრაინული გემი გადის დღეა ოდესის პორტიდან ხორბლით დატვირთული!
სოჭში დღეს 1-დღიანი ვიზიტით ჩადის თურქეთის პრეზიდენტი ერდოღანი! ხორბლის თემაც იქნება, სირიის ამბებიც და სხვა თემებიც!
ტაივანის ირგვლივ მასიური ბალისტიკური რაკეტების გასროლით დაწყებული სამხედრო წრთვნების ფონზე ნენსი პელოსიმ იაპონიიდანაც დააწია სიტყვა ჩინეთს, აქა ვდგევართ და სხვანაირად არ ძალგვიძსო! წრთვნებიც მორჩება ზეგ და ეგ არის და ეგ!
ბალტიის ქვეყნები ევროკავშირის ქვეყნებში მოწინავეები არიან რუსებისთვის ვიზების არ გაცემის და შეჩერების საკითხში, აგრეთვე დანაშაულებრივი კომუნისტური რეჟიმის სათანადო შეფასების საკითხში!
მთელი ცივილზებული სამყაროსთვის რუსები კეთროვანები ხდებიან, მარტო ჩვენთან უნდა იყოს ამ კეთროვანების შემოსევა გაშლილი ხელით, ხაჭაპურით და ხლებ-სოლით შეხვედრილი! დიდხანს არ იქნება ასე! მთავარია, რამე დიდ უბედურებაში არ გაგვხვიოს ამ ყველაფერმა!
უკრაინა კი აუცილებლად გაიმარჯვებს!
დიდება უკრაინას!
დიდება გმირებს!
დიდება ერს!
სიკვდილი მტერს!”
კომენტარები