ანალიტიკოსი ამირან სალუქვაძე:
„თან ხელისუფლებას “მაგნიტსკის სიით” და სანქციებით ემუქრებიან, თან ერთი წელია, დაჭერის დღიდან ბრალს სდებენ სააკაშვილის აწამებენო და თან ალ ბანოს “ამღერებენ” სააკაშვილი გაუშვითო. თხოვნა, ბრალდებები და მუქარა ერთად. მალე მთელი სან-რემო ჩაწერს ვიდეო მიმართვას.
“მაგნიტსკის სია” რომ დაგიჩემებიათ და ბრაუდერი გამოიყვანეთ არენაზე, რატომ გგონიათ, რომ ავტორიტეტია, ან მაგნიტსკი ვის საქმეს შეეწირა, თუ იცით?
ბრაუდერი იყო “გაზპრომის” აქციების 7%-ს მფლობელი, “სურგუტნეფტეგაზის” და “რაო ეს”-ის აქციონერი, ასევე რუსეთში ერთ-ერთი ფონდის დამფუძნებელი. იმ წლებში ბერეზოსკივით აჟიტირებული ფიგურა იყო. რუსეთმა ბრალი წაუყენა გადასახადების დამალვის და განზრახ გაკოტრების გამო. ჯამში 5 მილიარდს ედავებოდა. მაგნიტსკი ერთი უბრალო აუდიტორი იყო და ბრალი ბრაუდერისთვის დახმარების გაწევის გამო წაუყენეს. .
მაგნიტსკი “ბუტირკაში” მართლაც უმძიმეს პირობებში წამებით გარდაიცვალა. საკითხავია, ბრაუდერს მაგნიტსკის წამება და სიკვდილი ეწყინა თუ პირიქით?
სცვათაშორის ბრაუდერმა შვეიცარიის სასამართლოში რუსეთის წინააღმდეგ დავა წააგო.
ახლა მრავალი ათასი კილომეტრიდან რომ აკეთებს განცხადებებს, ჩამოვიდეს, ნახოს სად იმყოფება სააკაშვილი და შეადაროს მაგნიტსკის პატიმრობის ჯოჯოხეთურ პირობებს.
“მაგნიტსკის სია” და სანქციები იმას კი არ ნიშნავდა, რომ ბრაუდერი მართალი იყო, არამედ რუსეთის მართლმსაჯულების და სასჯელაღსრულების სადამსჯელო სისტემას ამხელდა და მონაწილე პირების წინააღმდეგ იყო მიმართული.
სააკაშვილის შემთხვევაში მის ბრალეულობაზე არ დაობენ, სტრასბურგს არ მიმართავენ, გაიძახიან წამლავენო, კლავენო, წუთები დარჩაო და ექიმები არ ჩამოჰყავთ, რადგან იციან, რომ “ვივა მედში” თავზე ევლებიან.
ამიტომ რქებით აწვებიან საერთაშორისო არენაზე ხმაურის აწევას, ბრალდებებს, მუქარებს და ქვეყნიდან გაყვანის საკითხს.
იმის მიუხედავად, რომ ყველამ ყველაფერი იცის, ხელისუფლებამ უნდა მოიწვიოს ბრაუდერიც, ალ ბანოჩ, პოდოლიაკიჩ, ნევზოროვიც და ყველა, ვინც განცხადებებს აკეთებენ და:
1. დაათვალიერებინოს რა პირობებში იხდის სასჯელს სააკაშვილი (ციხეც და საავადმყოფოც, ასევე ჰოოსპიტალიც), აჩვენოს სად ახდევინებდა სააკაშვილი სასჯელს პატიმრებს (აღარ ჩამოვთვლი დეტალებს);
2. გააცნოს სააკაშვილის სისხლის სამართლის საქმეები, ანუ ორი მსჯავრი და სამი ბრალი, ასევე რა პრეტენზიები აქვს მოსახლეობას მის მმართველობასთან;
3. გააცნოს თეთრაძის, მოლაშვილის და სხვა პატიმრების საქმეები, ფოტოები, რომლებიც აწამეს და წამებით მოკლეს ან წამების შედეგად შემდეგ გარდაიცვალენ.
შეთავაზება საჯაროდ უნდა გაკეთდეს შესაბამისი უწყების მიერ. მერე გააკეთონ შეფასებები აქვს თუ არა ადგილი რაიმე გადახრას ხელისუფლების მხრიდან. თუ არ მიიღებენ ამ შეთავაზებას, ყველაფერს თავისი სახელი დაერქმევა, რომ სიმართლე არავის აინტერესებს და ადგილი აქვს ლობისტური ანაზღაურების გამომუშავებას ან სხვა ინტერესებს.
დაქირავებული ლობისტები და უკვე ადვოკატობიდან პოლიტიკაში გადაჭრილი მისი უფლებადამცველი, ოჯახთან ერთად, არ შეწყვეტენ ახალ-ახალი სუბიექტების მოზიდვას და ზეწოლის მცდელობას.
ისე, ვინც სააკაშვილს ექომაგება, სხვადასხვა დოზით რუსეთთანაა დაკავშირებული.“
კომენტარები