“მაღლაფერიძის მოსაზრებით, ევროკავშირში არ მიგვიღებენ გეოპოლიტიკის გამო” – ლიკა ბასილაია

საზოგადოებრივი მაუწყებლის სამეურვეო საბჭოს წევრი, ლიკა ბასილაია–შავგულიძე:

“საზოგადოებრივი მაუწყებლის წამყვანი და ახალი და მიმდინარე ამბების ბლოკის ხელმძღვანელი, გიორგი გვიმრაძე: (ამონარიდი მისი საუბრიდან მაუწყებლის სამეურვეო საბჭოს თავმჯდომარე, ვასილ მაღლაფერიძესთან, კონტექსტი “გავლენიანი ენჯეოები” აშშ-ს არასწორ ინფორმაციას აწვდიან):
“ჩვენ ხომ ვიცით დღეს რას წარმოადგენს საზოგადოებრივი მაუწყებელი… მისი დამოუკიდებლობა არის რაღაცა ჯგუფებისთვის მიუღებელი..ასე ვთქვათ, რაღაც ჯგუფები მათგან დამოუკიდებელ მაუწყებელს ვერ იტანენ. და ეს არ არის მხოლოდ პოლიტიკური დამოუკიდებლობა, ეს არის ძალაუფლებრივი დამოუკიდებლობა იმ ჯგუფების მხრიდან, რომლებსაც წესით ძალაუფლება არ ეკუთვნის, მე ასე ვთვლი, იმიტომ, რომ ის, ვინც არ ირჩევა ადგილობრივი ხალხის მიერ იმას ძალაუფლება არ ეკუთვნის… “და შემდეგ უსვამს შეკითხვას ვასილ მაღლაფერიძეს: “რატომ, რაში უნდათ, რომ საზოგადოებრივ მაუწყებელს აკონტროლებდნენ?”
ანუ რა გავიგეთ აქედან? გავიგეთ, რომ “ენჯეოები რომ იყვნენ ხელისუფლებაში, მაშინ საზოგადოებრივი მაუწყებლის კონტროლი ნორმალური იქნებოდა? :)) აქედან გამომდინარე იკვეთება, რომ ბატონ გვიმრაძეს მიაჩნია, რომ იმან უნდა აკონტროლოს მაუწყებელი, ვინც ხელისუფლებაშია!!! :))) წარმოუდგენელ რამეებს ვისმენ ამ ინტერვიუში???
პ.ს. დავასრულე ყურება, დასკვნა: მოკლედ ვასილ მაღლაფერიძის მოსაზრებით, ევროკავშირში არ მიგვიღებენ გეოპოლიტიკის გამო. ანუ ავითარებენ ნარატივს, რომ სინამდვილეში 12 პუნქტი არის მხოლოდ ხელოვნური ბარიერი და სინამდვილეში არ უნდათ ჩვენი მიღება ევროპულ სტრუქტურებში.”