დაბუჟება, ტკივილი, მაღალი წნევა და მხედველობის დაკარგვა ცალ თვალში – ოჯახის ინფორმაციით, ოთხ ოქტომბერს აქციაზე დაკავებულ 64 წლის კონსტანტინე კოკაიასთან ციხეში ექიმი ამ დრომდე არ შესულა.
როგორც სისხლის სამართლის წესით დაკავებული კაცის შვილი “პირველებთან” ამბობს, პარასკევის მერე ელოდებიან კონსტანტინე კოკაიას ზარს, თუმცა კაცს სავარაუდოდ, აკრძალული აქვს ზარებისა და პაემნების უფლება. დღეს მასთან ადვოკატი იყო შესული და ზუსტად მან გამოიტანა მხედველობის დაკარგვაზე ინფორმაცია.
აქციის შემდეგ ეგრევე ჰქონდა მხედველობის პრობლემა წიწაკის სპრეის გამო. დღევანდელი ინფორმაციით, სრულად დაკარგული აქვს მარცხენა თვალში მხედველობა. სჭირდება აუცილებლად ექიმის ვიზიტი, რომელიც ორშაბათს მოითხოვა, თუმცა დღემდე არ შესულა. ასევე მარცხენა მხარე აქვს სრულიად დაბუჟებული. გულის არეში აქვს ტკივილები, აქვს უჰაერობა, თავის ძლიერი ტკივილი და წნევები. პარასკევის მერე ველოდები მამას ზარს, ადვოკატის პირით გადმოგვცა რომ ვიყოთ ყურადღებით ტელეფონთან, მაგრამ დღემდე არ არის დარეკილი”, – ამბობს შვილი.
კომენტარები