სკანდალური ამბის უმძიმესი გაგრძელება – შსს-ს განსაკუთრებულ დავალებათა დეპარტამენტში წვევამდელებს, რომლებსაც საპირფარეშოების ხეხვას აიძულებდნენ, ამ ყველაფერს მეთაურები ვიდეო კამერით იღებდნენ და შემდეგ აშანტაჟებდნენ.
წამების, არაადამიაურ და ღირსების შემლახავი მოპყრობისთვის დაკავებულებს ბრალს ერთ საათზე ნაკლებ დროში გააცნობენ.
უმძიმესი დანაშაულის ბრალდებით დაკავებულის ადვოკატი, ვერ ადასტურებს არის თუ არა საქმეში ვიდეო კადრები, რადგან მაგდა კოტრიკაძეს მასალები ამ დრომდე არ გადასცემია.
“დაკავებულია შინაგან საქმეთა სამინისტროს ობიექტების დაცვის დეპარტამენტის საბრძოლო მომზადებისა და გადამზადების ცვლის უფროსი ამ ეტაპზე დაკავებული დუმილის უფლებას იყენებს. დღეს მოხდება ბრალის წარდგენა. მას ედავებიან სისხლის სამართლის კოდექსის 333-ე მუხლით, სამსახურეობრივი უფლება-მოსილების გადამეტებას.
ამ ადამიანს მისი თანამდებობიდან გამომდინარე არ შეეძლო მიეღო რაიმე სახის გადაწყვეტილება – გათავისუფლება, წახალისება, დასჯა თუ სხვა.
რაც შეეხება მისი ტელეფონის გამოყენებას და კონკრეტულად რამდენ ეპიზოდზეა საუბარი, ეს დღეს გვეცოდინება. ჩვენ სამის მასალები არ გადმოგვცემია და შესაბამისად, დეტალები ჩვენთვის უცნობია”- ამბობს ადვოკატი მაგდა კოტრიკაძემ.
გომელაურის უწყების ობიექტების დაცვის დეპარტამენტის თანამშრომლები, რომლებიც გუშინ დააკავეს, დუმილის უფლებას იყენებენ.
თავდაცვის სამინისტროს იმ დროისათვის, როცა ფაქტი მოხდა, ირაკლი ღარიბაშვილი ხელმძღვანელობდა.
აქვე მკითხველს გვინდა შევახსენოთ, 15 წლის ბიჭის, ლუკა სირაძის საქმე, რომლის ოჯახი ამტკიცებდა, რომ 15 წლის ბიჭს შსს-ს თანამშრომლები დაემუქრნენ, მის ძმას, რომელიც თავდაცვის სამინისტროს კადრი იყო, პრობლემებს შეუქმნიდნენ.
კომენტარები