მაგდა მამუკაშვილს სახლი დაუყადაღეს. ამის შესახებ ის სოციალურ ქსელში წერს და ფოტოს აქვეყნებს.
კი, კი, ქოცებს არ გაუგიათ და ნამდვილად “ძირს რუსეთის დამპალი იმპერია”, “თავისუფლება რეჟიმის ტყვეებს” თქმის გამო დამიყადაღეს სახლი, მანქანა, ანგარიშები და 25%-იანი წილი კომპანიაში, რომელიც 12 წელია გაჩერებულია და ნულოვან მოგებაზეა.
TBC – თიბისიმ ანგარიშები დამიყადაღა, “ძირს რუსეთის დამპალი იმპერიის” თქმის გამო.შინაგან საქმეთა სამინისტრო / Ministry of Internal Affairs of Georgia და აღსრულების ეროვნული ბიურო, რომ რეჟიმის მსახურები არიან, ვიცით, თქვენ რატომ აღასრულებთ არაღიარებული რეჟიმის გადაწყვეყილებებს?! რატომ იღებთ მონაწილეობას რეპრესიული მექანიზმის მუშაობაში?კი ინგლისის სანქციებიც აქვს ამ რეჟიმს, ეგ რანაირად არ გადარდებთ?! თან იპოთეკური სესხი მაქვს 2037 წლამდე უდიდეს პროცენტში. თან გიყაღებენ ანგარიშს და თან 25 რიცხვში მოგთხოვენ, ფული გადაიხადეო. არ გადაიხდი და სახლს გაგიყიდიან ერთად და შეხმატკბილებულად აღსრულება და თიბისი. რაში ადარდებთ შენი მცირეწლოვანი შვილები.
უნამუსობაა ეს და მეტი არაფერი, თიბისი. ამის მერე გააკეთეთ ხოლმე მრავალათასიანი პროევროპული რეკლამები და ააცრემლეთ აუდიტორია. ამ რეჟიმის მსახურებო!
მამუკაშვილის სახლსა და ანგარიშებზე ყადაღა ჯარიმის გადაუხდელობის გამო დაადეს.
ცნობისთვის, 30 მაისს, მარიამ ლაშხის საჩივრის საფუძველზე, მაგდა მამუკაშვილი 4 000 ლარით დააჯარიმეს.
კომენტარები