“მაგალითი გახარიამ მოგვცა, ისიც ასეთ შეხვედრებს ატარებს, ჩვენთან ბევრი ხალხი მოვიდა…”

ერთიანი ნაციონალური მოძრაობის ლიდერი, გრიგოლა ვაშაძე, მედიასთან დღეს აჭარაში გამართული აქციის შესახებ განცხადებას აკეთებს:

„ჩვენ ვუყურეთ ბატონ გახარიას შეხვედრას და გადავწყვიტეთ, რახან საქართველოს პრემიერ-მინისტრი ასეთ შეხვედრებს ატარებს, ესე იგი ყველას შეუძლია, ჩაატაროს.

აბსოლუტურად ერთნაირი იყო.

შემდეგი შეკითხვა – საშიშროება ნამდვილად არის, მაგრამ სამწუხაროდ, ვართ კორონავირუსში და წინასაარჩევნო კამპანიაში. ახლა წინასაარჩევნო კამპანია რომ შევწყვიტოთ, ოთხი წელი კიდევ უნდა ვუყუროთ იმ ხალხს, ვინც საქართველოს მოსახლეობის მილიონ ორასი ათასამდე გაყარა ემიგრაციაში, უნდა ვუყუროთ ადამიანებს, რომლებმაც ბათუმიც გააჩერეს, მთელი საქართველოც გააჩერეს. ძალიან ბევრი ხალხი მოვიდა და არ ველოდით, არ ვიცოდით, ამდენი ხალხი თუ მოვიდოდა.

რამე სხვა შეკითხვა გაქვთ სერიოზული? პასუხისმგებლობა ეკისრება მთლიანად კორონავირუსს და შემიძლია, მიგაგზავნოთ კორონავირუსთან, რომ დაელაპარაკოთ მას“

შეგახსენებთ, დღეს აჭარაში ხალხმრავალი აქცია გაიმართა.

შეგახსენებთ, პოლიტიკოსებისთვის შეხვედრების მოწყობა არავის აუკრძალავს და ამის ნათელი მაგალითი იყო, “გირჩის” ეგიდით მოწყობილი ფეხბურთის მატჩის ჩვენება.