თბილისის მერიის გვერდზე, სოციალურ ქსელში, მოქალაქეები, სხვადასხვა პრობლემების გამო, დახმარებას ითხოვენ, ორი მათგანი, ვფიქრობთ, ყველაზე სასწრაფოდ მოსაგვარებელია.
მოქალაქე წერს:
ვაკეში ,ჭავჭავაძის 39 -ის სადარბაზოში ლიფტი არის სასწრაფოდ გამოსაცვლელი. დაზიანებულია, მუხრუჭები არ იჭერს. შეიძლება ჩავარდეს და ხალხი დაიღუპოსლიფტით ძირითადათ მოხუცები და ბავშვები სარგებლობენ
მოქალაქეს ვაკის რაიონის გამგეობა პასუხობს და წერს, რომ უბრალოდ გათიშონ ლიფტი:
მოგესალმებით. ლიფტი ამხანაგობის მოვლა-პატრონობაშია. როდესაც სარგებლობა წარმოადგეს საფრთხეს, ამხანაგობამ უნდა მიიღოს გათიშვის გადაწყვეტილება. რაც შეეხება თქვენს მისამართს, სამუშაოები დაგეგმილია, დეფექტური დოკუმენტაციაც მზად გახლავთ. დეტალური ინფორმაციისთვის მიმართეთ ამხანაგობის თავმჯდომარეს.
მოქალაქე:
გასაგებია მაგრამ რომ გავთიშოთ ბავშვებმა და მოხუცებმა როგორ იარონ ?….ლიფტი გამოსაცვლელია სასწრაფოდ…. კომისიამ შეამოწმა და სასწრაფოდ გამოსაცვლელიაო…. გათიშვით საქმე არ კეთდება
კიდევ ერთი მოქალაქე ავარიების გაზრდილ რისკზე წერს, ასევე, კონკრეტულ ადგილას:
საბურთალოზე ბახტრიონის ქუჩის ბოლოში, იქ სადაც შენდება ახალი სპორტული კომპლექსი, რამოდენიმე თვის წინ სამანქანე გზას გაუჩნდა ბზარები. შესაბამისად, მერიის სპეციალურმა სამსახურებმა მოახდინეს რეაგირება და განხორციელდა სარეაბილიტაციო და გამაგრებითი სმუშაოები. საგზაო უსაფრთხოებიდან გამოდინარე სარემონტო მონოკვეთამდე, დამონტაჟდა სიჩქარის შემზღუდვი ე.წ. ,,ბუგაროკები“ ორ ადგილას. თითქმის 3 თვეა რაც სამუშაოები დასრულდადა. ბარიერები დარჩა. ახლომახლო არც სკოლაა, არც ბაღი, ეკლესია და გაჩერება. არ დგას სიჩქარის შემზღუდავი ნიშანი, რასაც მოჰყვა არაერთი ავტო ავარია. მოსახლეობის თხოვნაა დროულად მოხდეს აღნიშნული ბარიერების დემონტაჟი, რადგან ავტო ავარიების რისკი მნიშვნელოვნად გაზრდილია, რაც საფრთხეს უქმნის მოქალაქეთა უსაფრთხოებას. პატივისცემით, ახლო მცხოვრები მოქალაქეები
ტრანსპორტისა და ურბანული განვითარების სააგენტო, რომელმაც, როგორ ჩანს, წაიკითხა მოქალაქის თხოვნა, აცხადებს, რომ ის კი გადასცემს შესაბამის სამსახურს, მაგრამ მოქალაქემაც დაწეროს უნდა განცხადება, როგორც სააგენტოში, გამგეობაში, ასევე მერიაში. რა საჭიროა 3 ადგილას განცხადების დაწერა, საერთოდ რაღა საჭიროა, დამატებით მისვლა და განცხადების დაწერა, როცა უწყება ინფორმირებულია და წესით, მადლიერი უნდა იყოს, რომ მიაწოდეს პრობლემაზე ინფორმაცია – უცნობია. ისევე, როგორც გაუგებარია, სამივე ადგილას უნდა დაწეროს მოქალაქემ განცხადება, თუ მხოლოდ ერთგან? და ან მოქალაქემ თუ არ დაწერა განცხადება ტრანსპორტისა და ურბანული განვითარების სააგენტოს მიმართვაზე არ რეაგირებენ ეს უწყებები?
გამარჯობა. გადავცემთ სააგენტოს შესაბამის სამსახურს. თქვენც განცხადებით მიმართეთ სააგენტოს. განცხადების დაწერა შეგიძლიათ როგორც თქვენს გამგეობაში, ისე თბილისის მერიის შენობის პირველ სართულზე.
კომენტარები