“ლექსოს სიკვდილშიაც ფუნდამენტალისტი ტერორისტების და იარაღის გამსაღებლების კვალს ვხედავ” – ირაკლი კაკაბაძე

მწერალი, ირაკლი კაკაბაძე, სოციალურ ქსელში, წერს:

“მინდა მოვუწოდო ყველას და მათს შორის ხელისუფლებას, რომ გამოძიებულ იქნას 5 ივლისს საქართველოში ‘ისლამური სახელმწიფოს’ შეიარაღებული ჯგუფების მოძრაობა.

როგორც ცნობილია, ‘ისლამურ სახელმწიფოს’ საქართველოშ უკვე 10 წელზე მეტია ჰყავს შეიარაღებული და ძალადობრივი ჯგუფებიც, რომლებიც ცდილობენ სიტუაცია არიონ. უკანასკნელი ინფორმაციით, მათ დაახლოებით 500 მილიონი დოლარი ჩადეს საქართველოში არეულობების მოწყობის მიზნით. არ არის გამორიცხული ისინი ჩვენს ჩრდილოელ მეზობებლთან კოორდინაცაში მოქმედებდნენ 5 ივლისს, იმისათვის რომ გამოეწვიათ ქვეყანაში სამოქალაქო დაპირისპირება.

კონკრეტულად დავუდ იბრაჰიმის ჯგუფზე არის სერიოზული ეჭვები რომ ახლა იგეგმება საქართველოში ძალადობის დატრიალება რომ აირიოს ყველაფერი. ამაში გარე ძალები არიან დაინტერესებული.

უნდა იქნას სასწრაფოდ გამოძიებული ვინ არიან ამ საერთაშორისო ტერორისტების მეკავშირეები და ქსელის წევრები საქართველოში. ქვეყანა არის სამოქალაქო ომის საშიშროების წინაშე. ლექსო ლაშქარავას სიკვდილშიაც ფუნდამენტალისტი ტერორისტების და იარაღის გამსაღებლების კვალს ვხედავ.”

“ალია” შეგახსენებთ, 5 ივლისს, ლექსო ლაშქარავა პრაიდის მოწინააღმდეგეთა აქციის მონაწილეებმა სცემეს, მოძალადეთა ნაწილი დაკავებულია.