ეროვნული ბანკის ყოფილი დირექტორი, რომან გოცირიძე:
უნგრეთის პრემიერ-მინისტრმა მადიარმა განაცხადა, რომ უნგრეთი 2030 წელს იქნება მზად ევროს შემოსაღებად.
ევროს შემოღებიდან ოცდაათი წლის შემდეგ აპირებს უნგრეთი ევროზონასთან შეერთებას და ესეც გეგმაა, მართლა მოხდება თუ არა არავინ იცის. ჩვენთან კი ერთ დროს მოდური იყო მოწოდება: არ გვინდა ლარი, გადავიდეთ ევროზე, მივაბათ ლარი დოლარს, შემოვიღოთ მულტივალუტური სისტემა და ა.შ. ახლა ცოტა ჩაცხრნენ, მაგრამ გულს მაინც უღრღნით ჭია-რატომ არ შვებიან ამას, ეს ხომ უმარტივესი რამ არის, არც ფასები გაიზრდებოდა.
ახლა მულტივალუტისები ალბათ დიდ საგონებელში არიან: ლარი მყარდება, ფასები მაინც იზრდება. გინდ დოლარს მიები და გინდ – ტრაქტორს-ფასი ოხერი რამ არის, ნებისმიერ სიმძიმეს დაძლევს.
როგორც წესი, ყალბ თეორიებს და ილუზიებს პრაქტიკა აქარწყლებს.
კომენტარები