„ჩვენ ფრონტის წინა ხაზზე ვართ, აუცილებლად გავიმარჯვებთ ამ ბრძოლაში, თუ გონიერებას მოუხმობთ და შეასრულებთ მთავრობისა და დაავადებათა კონტროლის ცენტრის გაფრთხილებებს, დარჩებით სახლში, დაიცავთ სოციალურ დისტანციას. სხვა გზა უბრალოდ არ არის. ჩვენ პირობას გაძლევთ, რომ ყველაფერს გავაკეთებთ 24 საათის განმავლობაში, რომ აქედან გამოჯანმრთელებულები და ცოცხლები გახვიდეთ“, – ასე მიმართა საუნივერსიტეტო კლინიკის კლინიკურმა დირექტორმა ლალი ტურძელაძემ მოსახლეობას.
მანვე აღნიშნა, რომ კლინიკაში ისეთი პაციენტებიც არიან, რომელთაც სიმპტომები არ აქვთ და მათი სახლში მკურნალობა თავისუფლად შეიძლება.
„კლინიკაში გვიწევს რამდენიმე პაციენტი, რომელსაც არავითარი ჩივილი არ აქვს. მათი სახლში მკურნალობა შესაძლებელია, აქამდე ჩვენთან მიმდინარეობდა მონიტორინგი, რომ რამე არ გამოგვრჩეს, თუმცა არინ პაციენტებიც, რომლებსაც სახლში ვერ გავუშვებთ.
ისინი ძალიან სერიოზული პაციენტები არიან, არამხოლოდ ხანდაზმული, არამედ შუა ასაკის უფრო მეტია. განსხვავება ისაა, რომ ხანდაზმულებში უფრო მძიმედ მიდის ეს პროცესი, თუმცა ახალგაზრდებსა და საშუალო ასაკში გავრცელება მეტია.
130 საწოლიდან დაკავებული გვაქ 70 საწოლი, თუ გვერდით მივუწვენთ ერთი ოჯახის წევრს, ასეთ შემთხვევაში შეგვიძლია 140-მდე ავიდეთ. ამჟამად 78 პაციენტი გყვავს“, – აღნიშნა ლალი ტურძელაძემ.
კომენტარები