ლაითურის (ოზურგეთის მუნიციპალიტეტი) ციხეში ბადრაგმა პატიმარი გააუპატიურა – ინფორმაციას წყაროზე დაყრდნობუთ, გურიის მოამბე ავრცელებს:
“პატიმარი ა. მ. რომელიც სასჯელს ლაითურის ციხეში იხდის, ბადრაგმა, ძალის გამოყენებით გააუპატიურა, შემთხვევა ამ დღეებში, ლაითურის ციხეში მოხდა”.
წყაროს ცნობით, დაზარალებულმა ამის შესახებ ოჯახს უკვე აცნობა, თუმცა ოჯახის წევრები, განსაკუთრებით პატიმრის მამა, იმავე წყაროს ცნობით, სპეცსამსახურებისა და ციხის ადმინისტრაციის მხრიდან, ამ წუთებშიც, განსაკუთრებული ზეწოლისა და წნეხის ქვეშ არიან. მისგან მოითხოვენ ფაქტის მიჩქმალვას და რეაგირებაზე უარის თქმას.
“გურიის მოამბე”, ინფორმაციის გადამოწმების მიზნით, სპეციალურ პენიტენციურ სამსახურში დარეკა, სადაც ამ ამბის შესახებ, როგორც განაცხადეს, არაფერი იციან. პენიტენციური გამოცემას მოგვიანებით თავად დაუკავშირდა და უთხრა, რომ საკითხის ირგვლივ მოკვლევა დაიწყო.
კომენტარები