“ლჷთიშ მორვალ”–ებისგან შეიქმნას საბჭო, გავერთიანდეთ “ლემის” დროშით, ვუშველოთ სვანეთს” – გიორგი დადვანი

მოგესალმებით ჩემო სვანებო…

დღეს სოციალური ქსელი არის ნომერ პირველი საკომუნიკაციო და ინფორმაციული წყარო.

სწორედ ამიტომ ვაქვეყნებ ამ თხოვნას თუ მოთხოვნას აქ.

( რაც გინდათ დაარქვით)..

მოკლედ შექმნილია სიტუაცია რომელიც ხელიდან გვაცლის ყოველივე ღირებულს რაც დღემდე მოუტანია სვანეთს თავისი უნიკალურობით,

ამ ბოლო დროს ყველაფერი სვანური გახდა გროშებზე გადაცვლილი ისტორია, ავთენტურობა, კულტურა, ყველაფერი იქცა უცხოტომელთა საამებელ როკვა ჯაგჯაგად.

გვეღუპება მომავალი თაობა კლუბური მუსიკით და ნარკოტიკით გაბრუებული

დაიკარგა მთავარი, მოყვასის და უფლის სიყვარული, თანადგომა…

მაქვს ინფორმაციები რომელიც მაძლევს საფუძველს ამ განგაშისა, რაც ძირითადად ნარკოტიკული საშუალებების მომატებულ მოხმარებას ეხება…

გამოვფხიზლდეთ!!!

უახლოეს მომავალში უნდა მოხდეს საერთო შეკრება და ეს გარდაუვალი მოთხოვნაა არამარტო ჩემი არამედ ყველა ნორმალურად მოაზროვნე და სვანეთზე მზრუნველი ადამიანისა..სადაც პირველ საკითხად უნდა დაისვას,

‘ლჷთიშ მორვალ’ -ის საკითხი.. ყველა სოფელმა უნდა წარმოადგინოს ხატზე დაფიცული ორი პიროვნება რომელიც ავტორიტეტით სარგებლობს სოფელში, ეთქმის სიტყვა და ესმის ყველა ის საკითხი რაც ჩვენი სამშობლოსთვის უპირველესია…

ასე აკეთებდნენ ჩვენი წინაპრები და ასე მოგვაწოდეს ქვეყანა ოქროდ წონადი, რომელსაც ყოველდღიურად ვაუფასურებთ ჩვენი ამპარტავნობითა და ვერცხლისმოყვარეობით..

ამ “ლჷთიშ მორვალ”-ებისგან უნდა შეიქმნას საბჭო რომელიც ყველა საჭირბოროტო საკითხში მიიღებს მონაწილეობას…სვანი ხალხის რწმუნებულობის მანდატით..

დროა გამოვფხიზლდეთ!!!

ეს პოსტი “დაუვარცხნელია” რადგან ემოცია რომელიც ეს ბოლო დროა მოზღვავებულია შექმნილი მდგომარეობის ანალიზიდან გამომდინარე “დავარცხნას” არ დაგიდევთ..

სვანებო გავერთიანდეთ “ლემის” დროშით ვახსენოთ უფალი და ვუშველოთ ჩვენს სვანეთს…

ხაზგასმით და მკაფიოდ აღვნიშნავ!!!

არავითარი პოლიტიკური განცდები არავითარი პარტიული ხრიკები!!!

სუფთა გულით სუფთა საქმით უფლისა და სვანეთის წინაშე…ძლიერი სვანეთი ძლიერი საქართველოა!!!

მოუწოდეთ ერთმანეთს შეკრებისკენ!!

შვანარ ლიყვბაალ!!!

#სვანეთიერთიანიდაძლიერისაქართველოსთვის…