ინდონეზიის კუნძულ ბალიზე ვულკანი ლევოტობი ლაკი-ლაკი ამოიფრქვა, რის გამოც 4700 ადამიანის ევაკუაცია გახდა საჭირო. ინფორმაციას DW ავრცელებს.
კუნძული ფლორესი ბალისთან ახლოს მდებარეობს. ადგილობრივ მოსახლეობას საკუთარი სახლების დატოვება მას შემდეგ მოუწია, რაც შესაბამისმა სამსახურებმა საშიშროების უმაღლესი დონე გამოაცხადეს.
ვულკანის მიერ ამოფრქვეული ფერფლის სიმაღლე 8 კილომეტრამდე ავიდა. სპეციალისტების თქმით, არსებობს ვულკანური ტალახის ნიაღვრების წარმოშობის საშიშროება.
ვულკანის ამოფრქვევის გამო საერთაშორისო ფრენები გადაიდო.
ცნობისთვის, ვულკანი ლევოტობი ლაკი-ლაკი ნოემბერში რამდენჯერმე ამოიფრქვა, რის შედეგადაც ცხრა ადამიანი დაიღუპა, ათასობით ადამიანი კი ევაკუირებული იყო.
კომენტარები