“კრუგზე” ვიდგეთ? ხალხს ცვლილება სურდა და ოპოზიციამ ვერ ისარგებლა…” – მოქალაქე აქციიდან

აქციაზე მყოფი მოქალაქე, მედიასთან, ამბობს:

“არ მინდა პუტინის რეჟიმი გავრცელდეს აქაც!

ყველაზე მეტად გული რაზეც დამწყდა, დიდი მასა იყო ხალხის გამოსული დღეს, რაღაცის შეცვლა რეალურად სურდათ და ოპოზიციამ ამით ვერ ისარგებლა, ორგანიზების უნარი, მე მგონია წაერთვათ, გეგმა ითქვა, თუ ქართული ოცნება ჩვენ მოთხოვნებს არ შეასრულებდა, ეს კანონი გაეტანა და ადამიანები გაეთავისუფლებინა, ბერკეტი ჰქონდათ რა – ალყა შემოვარტყათ პარლამენტსო და “კრუგზე” ვიდგეთ? ეგ რა ბერკეტია?

გეტყვით რა უნდა გავაკეთოთ – პარალიზება უნდა მოხდეს ქვეყნის, მასწავლებლებმა სკოლაში აღარ უნდა ჩაატარონ გაკვეთილი, ლექტორებმა უნდა შეწყვიტონ ლექციების ჩატარება, მოლარეებმა მუშაობა, მარტო პრესა უნდა დარჩეს მოქმედი. მიხვდებიან, მუშები თუ აღარ იმუშავებენ, იმ ღარიბაშვილის და ყაველაშვილის ნათესავებიც ვეღარ მოიგებენ იმ ტენდერებს და ვეღარ ჩაერიცხებათ ის ფული.

დღეს რაც უნდა ექნა ოპოზიციას, ყველა უნდა შეეწუხებინათ, საერთაშორისო პარტნიორები, ვისაც ჩვენზე გული შესტკივა, ეგ ხალხი უნდა შეეწუხებინათ…  კელი დეგნანისთვის რომ ეთქვათ, გამოიყვანე შენი ხალხი საელჩოდან და აქ დააყენეო, მგონი ამას ვერ გაბედავდნენ.”